Бугарија ќе уништи нови 9,5 тони пиперки од Македонија поради присуство на пестициди

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија ќе уништи нови 9,5 тони пиперки од Македонија поради присуство на пестициди

11 септември 2026

• од Темелко Тошев

Нова пратка од 9.502 килограми пиперки со потекло од Северна Македонија ќе биде уништена откако лабораториските анализи во Бугарија откриле остатоци од пестициди над максимално дозволеното ниво. Поради ова, на пиперките не им е дозволен влез ниту на бугарскиот пазар, ниту во продажната мрежа на Европската Унија.

Како што пренесуваат медиумите, неусогласеноста со европските стандарди била констатирана во рамките на засилените контроли на свежо овошје и зеленчук наменети за бугарскиот пазар. Бугарската агенција за безбедност на храната соопшти дека целата пратка е стопирана и ќе биде испратена на целосно уништување.

Ова е втор ваков случај за помалку од еден месец во кој бугарските инспектори запираат пратка со пиперки од Македонија. Да потсетиме, во текот на август беше откриена и стопирана пратка од 11,6 тони, откако лабораториските анализи покажаа присуство на пестицидот форметанат над дозволената граница. Со новите 9,5 тони, вкупната количина на македонски пиперки на кои им е забранет пласман на пазарот во ЕУ за краток период надмина 21 тон.

Бугарската агенција потврдува дека станува збор за две одделни пратки, откриени за време на засилените инспекциски контроли.

За најновата пратка, засега не се открива која активна супстанца (пестицид) е пронајдена, колкава е измерената концентрација и за колку е надмината дозволената граница. Исто така, не се објавени ниту податоци за тоа кој е производителот, од кој земјоделски регион во Македонија доаѓаат пиперките, ниту пак преку кој граничен премин влегла стоката.

Без овие детални информации, тешко може да се утврди дали двете пратки се поврзани со ист производител или откупен центар, и не може прецизно да се процени сериозноста на здравствениот ризик од новата пратка.