Бугарија до крајот на годината ќе има 11 пилоти подготвени за F-16

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија до крајот на годината ќе има 11 пилоти подготвени за F-16

04 септември 2026

• од Темелко Тошев

Бугарското Воено воздухопловство (ВВС) до крајот на оваа година ќе располага со 11 пилоти целосно подготвени за управување со борбените авиони F-16, додека во април нивниот број се очекува да се зголеми на 15. Ова го истакна командантот на ВВС, генерал-мајор Николај Русев, при неговото гостување во утринската програма на Бугарската национална телевизија (БНТ).

Во моментов, Бугарија располага со осум авиони F-16, со кои веќе се реализирани околу 700 часа летање. Осум пилоти се веќе обучени, а крајната цел на ВВС е да има подготвено 32 пилоти за вкупно 16 авиони.

Во однос на набавката, генерал-мајор Русев потврди дека се очекува доцнење во испораката на втората транша од осум авиони F-16, но нагласи дека причините за тоа се од надворешен карактер и не зависат од Бугарија.

„Се прави сè што е можно од двете страни рокот на доцнењето да биде намален, а доколку е можно, дел од авионите да бидат испорачани и порано“, изјави Русев.

Тој посочи и на еден технички предизвик, односно дека авионите сè уште немаат инсталирано систем за самозаштита и предупредување. Сепак, тој е оптимист дека резултати околу неговото воведување може да се очекуваат до крајот на 2027 година.

Командантот на бугарското ВВС категорично нагласи дека една ескадрила од 16 авиони F-16 не ги задоволува целосно потребите на земјата. Според него, државата треба да започне разговори за набавка на нова ескадрила, која би влегла во оперативна употреба во периодот меѓу 2035 и 2037 година. Како преодно решение за зајакнување на капацитетите, Русев предложи набавка на повеќенаменски борбени авиони од западно производство, кои би можеле да бидат и половни.

„Една ескадрила категорично не е доволна“, заклучи Русев.