Зеленски: За четири дена Русија истрелала 1.500 дронови кон Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски: За четири дена Русија истрелала 1.500 дронови кон Украина

31 август 2026

• од Темелко Тошев

Во период од само четири дена, Русија истрелала речиси 1.500 дронови од различен тип кон територијата на Украина, меѓу кои и околу 800 дронови со млазен мотор. Ова го соопшти украинскиот претседател Володимир Зеленски во објава на својот Фејсбук профил.

Според Зеленски, моменталната тактика на руските сили е целосно да ја исцрпат Украина и нејзиното население преку константни воздушни напади.

„Денеска нашите воени лица одржаа брифинзи за противвоздушната одбрана. Во моментов тактиката на Русите е да ја исцрпат Украина, да ги исцрпат Украинците – пред сѐ, нашиот народ. Има постојани напади со дронови - многу дронови 'Шахед' со млазен мотор. Нашите војници соборуваат значителен дел од нив. Само за овие четири дена имаше речиси 1.500 дронови од секаков тип, од кои околу 800 беа со млазен мотор“, истакна Зеленски.

Тој додаде дека најтешката задача претставува соборувањето токму на дроновите со млазен мотор. Во моментов, борбените авиони се главно одговорни за одбраната од нив, но Украина интензивно работи на развивање и обезбедување на потребните пресретнувачи.

Украинскиот претседател откри дека четири домашни компании веќе развиле дронови-пресретнувачи за соборување на руските летала, при што една од нив понудила најуспешен дизајн. Главната цел сега е да се зголеми масовното производство на овие пресретнувачи.

„Во моментов и Министерството за одбрана и војската мора да направат сè што е можно за да гарантираат дека располагаме со што повеќе можности за соборување на секаков вид руски дронови. Сакам да им се заблагодарам на оние од украинскиот тим кои навистина работат 24/7 за тоа да се оствари. Оваа есен мора да реагираме и да осигураме дека нашиот процент на соборување ќе биде повисок од 90 отсто“, нагласи Зеленски.