Државни почести за осуден воен злосторник: Србија повторно плука во лицето на правдата и жртвите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Државни почести за осуден воен злосторник: Србија повторно плука во лицето на правдата и жртвите

28 август 2026

• од Темелко Тошев

Српските власти уште еднаш покажаа дека немаат намера да се соочат со мрачното минато од деведесетите години, откако српскиот министер за правда, Ненад Вујиќ, гордо потврди дека Ратко Младиќ ќе биде погребан со највисоки државни почести. Со овој чин, државниот врв на Србија не само што продолжува да релативизира стравични злосторства, туку и отворено слави човек осуден на доживотен затвор за геноцид и злосторства против човештвото.

И додека цивилизираниот свет го памети Младиќ како архитект на геноцидот во Сребреница – најголемото ѕверство на европско тло по Втората светска војна – министерот Вујиќ без трошка срам изјавува дека „она што му припаѓа на генералот сигурно ќе биде почитувано“.

Кому му припаѓаат почести? На човек кој командуваше со силите кои безмилосно убија над 8.000 мажи и момчиња во Сребреница? На човек кој со години го тероризираше Сараево држејќи го под опсада, убивајќи цивили и деца?

Оваа скандалозна одлука, пласирана преку прорежимските медиуми како акт на национална гордост, е всушност дефинитивен доказ дека Србија останува заглавена во националистичката реторика и глорификацијата на воените злосторници. Подготвеноста на институциите веднаш да заминат во Хаг за да го преземат телото и најавите за погреб на Топчидер, недвосмислено покажуваат дека за официјален Белград, Хашкиот трибунал и меѓународното право не значат ништо.

Наместо катарза и извинување до жртвите, државата одлучува да приреди државен спектакл за еден злосторник. Овој срамен потег е шлаканица за семејствата на жртвите кои се уште трагаат по коските на своите најблиски, но и јасна порака до регионот и Европа: Србија не го осудува злото, таа го слави и му оддава почит. Додека вакви фигури се издигнуваат на пиедестал, помирувањето и европската иднина на Балканот ќе останат само празна илузија.