ДУИ обвинува дека компанија на братучедот на директорот добила пет тендери

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ обвинува дека компанија на братучедот на директорот добила пет тендери

28 август 2026

• од Темелко Тошев

Партијата Демократска унија за интеграција (ДУИ) алармира за продлабочување на скандалот во Психијатриската болница „Бардовци“. Според информациите изнесени на нивната прес-конференција од страна на Арта Биљали Зендели, компанијата „Индиго Инц“ ДООЕЛ Скопје, која е поврзана со братучедот на директорот на болницата Иса Авдулаи (кадар на ВРЕДИ), добила дури пет тендери откако тој стапил на функција.

Како што наведуваат од ДУИ, првиот тендер во вредност од 600 илјади денари бил потпишан на 15 октомври 2024 година, само три месеци откако Авдулаи бил именуван за вршител на должноста директор, а на договорот стои лично неговиот потпис.

По овој, компанијата добила уште четири дополнителни тендери, меѓу кои се истакнува овогодишниот тендер за ИТ-системи и лиценци кој достигнува вредност до 2,59 милиони денари, односно околу 42 илјади евра.

Сопственикот на спорната компанија, Бесим Авдулаи, е братучед на директорот Иса Авдулаи, факт кој и самиот директор претходно го признал. Од партијата потенцираат дека дури и промената на раководната функција во компанијата непосредно пред првиот тендер, не може да ја прикрие нивната семејна поврзаност.

Поради овие наводи, ДУИ бара итна и целосна истрага од Државната комисија за спречување на корупцијата, Бирото за јавни набавки и останатите надлежни институции. Тие бараат да се проверат сите пет постапки, вклучувајќи ги критериумите, понудите, учесниците и самиот начин на избор.

„Не е доволна изјавата дека постапката била „законска“ или дека директорот не бил дел од комисијата за избор. Кога компанија семејно поврзана со раководителот на јавна институција добива пет тендери од истата институција, целосната транспарентност и проверка на постапките се обврска, а не избор“, реагираат од ДУИ.

Од партијата ја повикаа коалицијата ВЛЕН да не се крие зад флоскулата „законски“, бидејќи законитоста мора да се аргументира исклучиво со документи.

„Јавните пари не се семејна сопственост. „Бардовци“ не смее да се претвори во семеен бизнис на ВЛЕН“, заклучуваат од ДУИ, барајќи одговори за тоа како е возможно компанија на роднина на директорот да биде главен добитник на тендери во институцијата со која тој раководи.