Американскиот Конгрес подготвува санкции за Србија: Предложен законот „SRBIJA Act“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Американскиот Конгрес подготвува санкции за Србија: Предложен законот „SRBIJA Act“

28 август 2026

• од Темелко Тошев

Членови на Претставничкиот дом на американскиот Конгрес, и од редовите на републиканците и од демократите, поднесоа нов предлог-закон со кој се бараат строги мерки и санкции против Србија. Како главни причини се наведуваат „сериозното назадување“ во демократијата и владеењето на правото во земјата, како и продлабочувањето на соработката со Русија, Кина и Иран.

Според документот во кој увид имаше Радио Слободна Европа, Соединетите Американски Држави би требало да воведат финансиски и визни санкции за таканаречените „штетни актери“ кои континуирано придонесуваат за дестабилизација на регионот на Западниот Балкан.

Иницијативата е поднесена од републиканецот Џо Вилсон и демократот Бил Китинг, двајцата членови на Комисијата за надворешни работи на Претставничкиот дом. Американскиот медиум „The Hill“ пренесува дека законот недвосмислено повикува на казнени мерки и забрана за влез во САД за сите поединци кои ги подриваат демократските процеси, мирот, стабилноста и територијалниот интегритет во регионот.

Симболично, предлог-законот е именуван како „SRBIJA Act“ (Supporting the Rule of law, Building Institutional Justice, and Accountability Act – Закон за поддршка на владеењето на правото, изградба на институционална правда и одговорност).

Според нацрт-текстот, на удар на санкциите ќе се најдат и лица од Западниот Балкан кои се вмешани во корупција, сериозни кршења на човековите права или дејствија кои ги опструираат регионалните безбедносни договори и соработката.

Објаснувајќи ги мотивите за ваквиот потег, републиканецот Вилсон упати остри критики до српското државно раководство. „Под водство на претседателот Александар Вучиќ, Србија намерно и сè повеќе се оддалечува од владеењето на правото и се приближува кон непријателите на слободата, како што се воениот злосторник Владимир Путин, Комунистичката партија на Кина и терористичкиот режим во Техеран“, изјави Вилсон, додавајќи дека српската влада се заканува да го дестабилизира регионот, а народот на Србија заслужува подобро.

Како што анализира „The Hill“, овој силен двопартиски притисок врз администрацијата во Белград претставува остар контраст со генерално топлите односи што српскиот претседател ги имаше со поранешниот американски претседател Доналд Трамп. Трамп напорите од 2020 година за економска нормализација меѓу Србија и Косово ги сметаше за еден од своите клучни мировни успеси, додека Вучиќ неодамна дури и јавно изјави дека Србите во огромно мнозинство го поддржуваат поранешниот американски лидер.

Доколку овој предлог-закон помине во Конгресот, тоа би можело да значи сериозен пресврт во американската надворешна политика кон Белград и воведување на ригорозни механизми за контрола на политичките текови на Балканот.