Познати нови детали за трагедијата во Словенија: Децата не биле врзани со појас

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Познати нови детали за трагедијата во Словенија: Децата не биле врзани со појас

28 август 2026

• од Темелко Тошев

Објавени се нови детали за тешката сообраќајна несреќа која се случи на словенечкиот приморски автопат, меѓу Унец и Равбаркоманда, во која животот го загубија тројца македонски државјани – 74-годишна жена и две деца на возраст од 4 и 11 години.

Според полицијата во Копер, во автомобилот марка „Ауди А4“ со италијански регистарски таблички патувало петчлено македонско семејство кое живеело во Равена, Италија. Со возилото управувал 39-годишниот татко, кој најпрво удрил во заштитната ограда од десната страна, а потоа силно удрил во задниот лев дел од камион кој бил запрен во лентата за итно запирање поради дефект. Возачот на камионот, 64-годишен државјанин на БиХ, не бил повреден.

Во несреќата на лице место загинале мајката на возачот (74) и неговите две деца – 4-годишно девојче и 11-годишно момче. Посебно потресувачки податок изнесе полицискиот инспектор Петер Лебан, кој соопшти дека двете деца во моментот на несреќата не биле врзани со сигурносен појас.

Сопругата на возачот и мајка на децата (33), која седела на задното седиште, била тешко повредена и итно пренесена во болница со воен хеликоптер. Во болница бил пренесен и таткото, но според информациите, тој поминал без повреди.

Полицијата сè уште ја утврдува точната причина за несреќата. Тестовите за алкохол и дрога кај 39-годишниот возач биле негативни, а истражителите проверуваат дали тој можеби заспал зад воланот пред судирот. По завршување на истрагата, против него се очекува да биде поднесена кривична пријава за предизвикување сообраќајна несреќа од небрежност. Поради сериозноста на настанот и извлекувањето на патниците, автопатот кон Копер бил затворен до полноќ. МНР исто така потврди дека жртвите се македонски државјани.