Денес 28 август 2026 година се празнува Успението на Пресвета Богородица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес 28 август 2026 година се празнува Успението на Пресвета Богородица – Голема Богородица

28 август 2026

• од Темелко Тошев

Православните христијани денеска го одбележуваат еден од најголемите и најзначајните празници посветени на Божјата мајка – Успение на Пресвета Богородица, меѓу народот познат и како Голема Богородица. Овој празник традиционално се одбележува на 28 август според новиот (односно на 15 август според стариот) календар, а како подготовка за него претходи двонеделен Богородичен или Преображенски пост.

Значење на зборот „Успение“ Самиот збор „успение“ значи заспивање. На овој ден црквата не ја слави нејзината смрт, туку вознесувањето во небесните живеалишта. Се верува дека Пресвета Богородица не поминала низ смртта како враќање на правот кон правот, туку дека веднаш по „заспивањето“ е земена на небото во Христовите прегратки. Таа е вознесена како со душата, така и со телото, станувајќи прв и најголем молитвен застапник на луѓето пред Бога.

Сведоштвото на црковното предание Според преданието, Богородица својот овоземен живот го завршила тивко и мирно, без болести и страдања, доживувајќи длабока старост. За време на една молитва, ѝ се јавил светиот Архангел Гаврил кој ѝ соопштил дека за три дена ќе се пресели во небесниот живот. Веста прво му ја пренела на светиот апостол Јован, кој бил задолжен да се грижи за неа.

Набргу веста се проширила, па сите апостоли – освен апостол Тома, кој по Божја промисла бил далеку и го проповедал христијанството – се собрале во куќата на Јован за да ѝ оддадат почит. Богородица легнала на одарот, а во огромна светлина, опкружен со ангели, се појавил Господ Исус Христос. Таа станала и рекла: „Душата моја го велича Господа и духот мој се зарадува во него“, по што повторно легнала и заспала. Подоцна, кога во својата целосна слава им се јавила на присутните кај нејзиниот гроб, сите поверувале дека со помош на Божјите ангели таа е воздигната од земјата на небото.

Заштитничка на сите христијани и на градот Скопје Успение на Пресвета Богородица е еден од дванаесетте најголеми христијански празници. Во македонските цркви и манастири, над западната влезна врата, често можат да се забележат прекрасни фрески кои го претставуваат токму овој настан.

Богородица се смета за заштитничка на сите христијани, како и за покровителка на градот Скопје. Традиционално, по повод празникот, низ целата држава се организираат црковно-народни собири, а особено масовен е собирот во манастирот Успение на Пресвета Богородица во Долна Матка.

Нека е за многу години празникот!