Калајџиев: „Ова не е кривичен процес! Обвинетите сакаа да ѝ дадат предност на државата пред Австријците“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Калајџиев: „Ова не е кривичен процес! Обвинетите сакаа да ѝ дадат предност на државата пред Австријците“

27 август 2026

• од Темелко Тошев

Професорот по кривично право, Гордан Калајџиев, излезе со остри критики кон институциите, истакнувајќи дека Министерството за внатрешни работи (МВР) и Јавното обвинителство со своите толкувања му нанесуваат огромна штета на случајот поврзан со Државната лотарија.

Според него, постапките на обвинетите биле во насока на заштита на државните интереси, а не криминални акти како што се претставуваат во јавноста. Тој смета дека овој случај се користи за политички пресметки.

„Мене ми се чини дека штетата кон Државната лотарија, во врска со купените апарати, со своето толкување ја предизвикуваат токму МВР и Јавното обвинителство. Обвинетите, напротив, сакале да ѝ обезбедат на државата предност над Австријците, што е сосема во духот на Законот за игри на среќа, според кој државата е алфа и омега во овој сектор. Целиот спор, всушност, не е од кривична природа и најверојатно служи само за да му се 'отсече главата' на Груби“, истакнува професорот Калајџиев.

Овие коментари на Калајџиев доаѓаат во екот на истрагите околу набавките на апарати за игри на среќа преку Државната лотарија, во кои фокусот се става на евентуалната вмешаност на поранешниот прв вицепремиер Артан Груби.