Љубчо Георгиевски: Нема што да зборуваме со Бугарија, имаме разговор со ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Нема што да зборуваме со Бугарија, имаме разговор со ЕУ – внесете ги Бугарите во Уставот!

27 август 2026

• од Темелко Тошев

Поранешниот премиер Љубчо Георгиевски упати критики до актуелната влада поради нејзиниот однос кон евроинтегративниот процес, посочувајќи дека политичката криза во соседна Бугарија не смее да се користи како изговор за домашната стагнација.

Според него, обврските на Македонија се јасно дефинирани од страна на Европската Унија и процесот не зависи од тоа дали Софија има стабилна влада или не.

Изборите во Бугарија не се оправдување

Коментирајќи ги честите изборни циклуси во Бугарија, Георгиевски истакна дека формирањето нова влада таму може да потрае со месеци, потсетувајќи дека во минатото тој процес траел и со години. Сепак, тој е дециден дека тоа не е алиби за одолговлекување на нашите обврски.

„Гледам веќе актуелната влада си наоѓа оправдување – нема со кој да зборуваме од Бугарија. Чекај бе! Немаш ти што да зборуваш со бугарската страна, имаш разговор со Европската Унија“, нагласи Георгиевски.

Тој потсети на клучниот услов за деблокада на европскиот пат, кој е директно поврзан со преговарачката рамка.

Јасна порака од ЕУ: „Јасно е кажано – внесете ги Бугарите во Уставот, почнувате веднаш интензивно со сите преговори“, додаде поранешниот премиер.

Албанија направи повеќе за Коридорот 8 од Бугарија

Осврнувајќи се на билатералните односи и соработката меѓу двете земји, Георгиевски се согласи со констатацијата дека од бугарска страна недостасува нагласен интерес и интензитет за реализација на заедничките проекти.

Тоа, според него, особено се гледа во делот на инфраструктурното поврзување, односно изградбата на Коридорот 8. Споредувајќи ги активностите на соседите, тој посочи дека Албанија во последните години направила многу повеќе за инфраструктурно поврзување кон овој значаен коридор отколку што тоа го направила Бугарија.