ДУИ: Проектот за автопатот Скопје-Блаце е започнат во 2022 година, документите го докажуваат тоа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Проектот за автопатот Скопје-Блаце е започнат во 2022 година, документите го докажуваат тоа

25 август 2026

• од Темелко Тошев

Демократската унија за интеграција (ДУИ) преку соопштение до јавноста истакна дека изградбата на автопатот Скопје-Блаце не е проект кој го започнала актуелната власт од нула. Од партијата посочуваат дека постојат официјални документи кои докажуваат дека клучните чекори за реализација на овој инфраструктурен проект биле преземени уште за време на нивното учество во Владата.

Според ДУИ, на 27 јуни 2022 година, Собранието го усвоило Законот за гаранција на обврските по заемот наменет за финансирање на проектот од мрежата TEN-T, за изградба на автопатската делница од Скопје до границата со Косово. Овој законски акт, како што нагласуваат од партијата, ги носи потписите на тогашниот шеф на државата, Стево Пендаровски, и на тогашниот претседател на Собранието, Талат Џафери.

„Во времето кога ДУИ беше дел од Владата, за проектот Скопје-Блаце биле создадени и унапредени основните елементи за неговата реализација: проектирањето, обезбедувањето финансиска основа и спроведувањето на тендерските постапки“, се вели во соопштението на партијата.

Од таму додаваат дека овие факти го побиваат секој обид на актуелната власт да создаде впечаток дека тие се идејни творци и иницијатори на проектот. ДУИ јавно прашува што е направено од страна на новата влада, надвор од она што веќе било подготвено и финансиски обезбедено.

Партијата апелира до институциите наместо да се служат со пропаганда, да покажат транспарентност и да ги објават сите документи поврзани со проектирањето, финансирањето и тендерирањето на автопатот.

ДУИ нагласува дека не се противи на изградбата на автопатот Скопје-Блаце, туку, напротив, инсистира на негова што побрза реализација. Според нив, овој автопат е од стратешко значење за поврзувањето на Северна Македонија со Косово и е во директен интерес на граѓаните и економијата.

„Автопатот не започнува со пропаганда. Тој започнува со проект, финансирање и конкретни постапки. А овие чекори за Скопје-Блаце беа преземени уште во времето кога ДУИ беше на власт. Документите зборуваат. Пропагандата не може да ги избрише“, заклучуваат од ДУИ.