Едногласно „НЕ“ за дата-центарот во Пехчево: Советот на општината ја отфрли иницијативата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Едногласно „НЕ“ за дата-центарот во Пехчево: Советот на општината ја отфрли иницијативата

25 август 2026

• од Темелко Тошев

Советот на Општина Пехчево на денешната седница едногласно ја отфрли иницијативата за изградба на дата-центар во градот. Предлогот наиде на целосно несогласување кај локалните претставници, при што сите девет советници гласаа против неговата реализација.

Оваа одлука ја обедини локалната власт и опозицијата. Против иницијативата својот глас го дадоа пет советници од редовите на ВМРО-ДПМНЕ и нивната коалиција, тројца советници од СДСМ и коалицијата, како и еден советник од Движењето ЗНАМ.

Ваквиот расплет на настаните доаѓа како реакција по повеќенеделните бурни дебати во јавноста поврзани со најавениот проект. Постапката предизвика низа критики и прашања, а главните забелешки се однесуваа на нетранспарентноста и недоволната информираност околу самиот инвеститор. Дополнително, огромна загриженост предизвикаа отворените прашања поврзани со огромната потенцијална потрошувачка на вода и електрична енергија, ресурси кои се од витално значење за општината.

Јавноста, вклучително граѓански активисти и политичките партии ДОМ и Левица, изразија сериозна загриженост за можните еколошки последици врз природата и животната средина во Пехчево и околината. Тие предупредуваа на недоволната вклученост на граѓаните и стручната јавност во целиот процес и бараа итно запирање на постапката, барајќи поголема транспарентност и конкретни одговори за влијанието на проектот врз локалната заедница.

По завршувањето на расправата, претставниците на советничките групи порачаа дека интересите и добросостојбата на жителите на Пехчево се и мора да останат нивен главен приоритет. Тие заклучија дека секоја идна инвестиција од ваков габарит мора да биде проследена со целосни и детални информации, темелни стручни анализи и максимално транспарентна постапка.