СДСМ: Шест недели нема објавен извештај за квалитетот на водата во Гостивар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Шест недели нема објавен извештај за квалитетот на водата во Гостивар

25 август 2026

• од Темелко Тошев

Шест недели по појавата на проблемите со водоснабдувањето во Гостивар, граѓаните и понатаму чекаат на целосен извештај со резултатите од анализите на водата, посочуваат од опозициската СДСМ преку соопштение до јавноста.

Од партијата потсетуваат дека веќе изминаа десет дена откако премиерот Христијан Мицкоски, по враќањето од странство, најави дека инсистира на објавување на извештајот, но тој документ сè уште не е достапен за граѓаните.

Од СДСМ истакнуваат дека досега јавноста добивала различни и контрадикторни информации за состојбата со водата – од предупредувања и забрани за нејзино користење, преку препораки да се употребува исклучиво како техничка вода, па сè до тврдења дека таа е целосно безбедна за пиење.

„Што се крие од граѓаните? По 22 дена загадена вода и околу 5.000 заболени, зошто граѓаните не можат да добијат целосен документ?“, отворено прашуваат од опозициската партија. Тие исто така бараат одговор на прашањето кој точно ја утврдил и потврдил безбедноста на водата за граѓаните.

СДСМ категорично бара сите информации поврзани со безбедноста на водата да бидат транспарентно објавени во еден сеопфатен извештај, кој ќе ги содржи сите резултати од направените анализи, придружени со соодветни потписи од одговорните лица.