Украина ѝ врачи орден од прв степен на пратеничката Славјанка Петровска

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Украина ѝ врачи орден од прв степен на пратеничката Славјанка Петровска

24 август 2026

• од Темелко Тошев

Македонската пратеничка и поранешна министерка за одбрана, Славјанка Петровска, доби престижно признание од Украина – орден „Принцеза Олга“ од прв степен. Орденот ѝ беше врачен за време на нејзиното учество на Националниот молитвен појадок кој се одржа во Киев, Украина.

Ова високо одликување ѝ беше доделено од страна на украинскиот претседател уште на 4 септември 2023 година, како признание за нејзиниот значаен личен придонес во зајакнувањето на одбранбените капацитети и способности на Украина во текот на руската инвазија.

Во рамките на нејзината посета на Киев и Националниот молитвен појадок – настан со големо духовно и дипломатско значење кој ги обединува лидерите околу напорите за мир и иднината на Украина – Петровска оствари средба со Игор Жовква, заменик-шеф на Кабинетот на претседателот на Украина.

Како што информираат од македонското Собрание, на средбата Петровска ја потврдила силната и недвосмислена поддршка што Република Северна Македонија ѝ ја дава на Украина. Таа ја реафирмирала посветеноста на нашата земја кон напорите за постигнување праведен и траен мир, додавајќи дека нејзиното присуство на овој настан е јасен израз на солидарноста со украинскиот народ и институции кои продолжуваат да го бранат својот суверенитет и територијален интегритет.

Овогодинешното издание на Молитвениот појадок во Киев има и посебно историско значење, бидејќи се совпаѓа со одбележувањето на 35-годишнината од независноста на Украина. На настанот присуствуваа високи украински претставници, меѓународни партнери, верски лидери и претставници на вооружените сили.