Македонското Собрание со едноминутен молк ја одбележа 35-годишнината од независноста на Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонското Собрание со едноминутен молк ја одбележа 35-годишнината од независноста на Украина

24 август 2026

• од Темелко Тошев

Со едноминутен молк и оддавање почит на загинатите, денеска во македонското Собрание свечено беше одбележана 35-годишнината од независноста на Украина.

Посебната сесија посветена на украинскиот Ден на независноста беше организирана по иницијатива на Интерпартиската парламентарна група за поддршка на Кримската платформа. Седницата ја отвори потпретседателот на Собранието, Антонијо Милошоски, кој ја нагласи важноста на поддршката за територијалниот интегритет и суверенитет на Украина.

Пред пратениците и присутните гости се обрати и амбасадорката на Украина во земјава, Лариса Дир, која се заблагодари за континуираната македонска поддршка во овие тешки времиња за нејзината земја. Во име на Интерпартиската парламентарна група за поддршка на Кримската платформа, свое обраќање имаше и пратеникот Оливер Спасовски.

Ова одбележување, кое претходно беше најавено од Собранието за денешниот ден, е дел од пошироката парламентарна поддршка за Украина. Активностите се тесно поврзани со меѓународната иницијатива на Кримската платформа, чија главна цел е задржување на фокусот врз прашањето за Крим и заштита на територијалниот интегритет на Украина.

На 24 август 1991 година, Украина го усвои Актот за прогласување независност, со што по распадот на Советскиот Сојуз ја обнови својата државност. Оваа година, земјата го одбележува својот голем јубилеј – 35 години независност, во исклучително тешки услови и во екот на воениот конфликт предизвикан од руската агресија.