СДСМ: Просечната плата падна за над 1.100 денари, стандардот тоне, а за Мицкоски доаѓа нов авион

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Просечната плата падна за над 1.100 денари, стандардот тоне, а за Мицкоски доаѓа нов авион

23 август 2026

• од Темелко Тошев

Додека власта се фали со економски успеси, реалноста на граѓаните е сосема поинаква – помали плати, поскап живот и празни фрижидери, обвинуваат од опозицискиот Социјалдемократски сојуз на Македонија (СДСМ).

Во најновото партиско соопштение, од СДСМ се повикуваат на податоците од Државниот завод за статистика (ДЗС), според кои просечната нето-плата во државата за само еден месец бележи пад од 1.163 денари, односно намалување од 2,3 проценти.

„Додека Христијан Мицкоски секојдневно презентира 'весела математика' дека платите се покачени за 72%, а пензиите за 325%, вистинската слика е поинаква. За падот на животниот стандард на граѓаните не им треба статистика, тие тоа го гледаат дома, во празните фрижидери и паричници“, порачуваат од опозициската партија.

Од СДСМ предупредуваат на алармантната разлика помеѓу примањата и трошоците за живот. Според нив, минималната плата од 26.000 денари веќе не е доволна да покрие ниту една третина од потрошувачката кошничка, која достигна вртоглави 70.000 денари.

Високите цени секојдневно ги исцрпуваат семејните буџети, велат од Бихаќка, додавајќи дека ова е вистинската слика за тоа што Мицкоски го нарекува „третата економија во Европа“.

„Веселата математика на Мицкоски не може да ја плати сметката на ниту едно семејство. Помала плата. Поскап живот. Празни џебови и празни фрижидери. Но, ајде да зборуваме за убави работи – доаѓа нов авион за Мицкоски“, иронично заклучуваат од СДСМ во своето соопштение.