Денеска 23 август 1026 година се празнуваат Светите маченици: Архиѓаконот Лаврентиј, папата Сикст и нивните сподвижници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 23 август 1026 година се празнуваат Светите маченици: Архиѓаконот Лаврентиј, папата Сикст и нивните сподвижници

23 август 2026

• од Темелко Тошев

Православните верници денеска го одбележуваат споменот на Светите маченици архиѓаконот Лаврентиј, папата Сикст и другите кои пострадале со нив. Нивното мачеништво датира од третиот век, период на страшни прогони на христијаните во Римската империја.

Историјата бележи дека по смртта на папата Стефан, на негово место бил поставен свети Сикст. Роден како Атињанин и поранешен филозоф кој го примил христијанството, тој застанал на чело на црквата во време кога да се биде римски епископ значело сигурна смрт. Римскиот цар Декиј бил решен целосно да го уништи христијанството, па набрзо папата Сикст бил изведен на суд заедно со неговите двајца ѓакони, Феликисим и Агапит.

Преданието вели дека кога ги воделе во затвор, архиѓаконот Лаврентиј му се обратил на папата со зборовите: „Каде одиш, отче, без синот? Каде архијереју без својот ѓакон?“ На ова, папата Сикст го утешил прорекувајќи му дека наскоро ќе го следи и ќе претрпи уште поголеми маки за Христа.

Откако Сикст и неговите ѓакони биле погубени, римските власти го фатиле и Лаврентиј. Но, пред да биде заробен, тој како црковен ризничар успеал сите црковни скапоцености да ги сокрие во домот на вдовицата Киријакија. Притоа, со допир ја исцелил од тешка главоболка, а на слепецот Крискент му го вратил видот. Неговите чуда продолжиле и зад решетките – во затворот го излекувал од слепило и го крстил долгогодишниот затвореник Лукилиј, што го инспирирало и затворскиот стражар Иполит да се крсти (кој подоцна исто така станал маченик).

Пред царот Декиј, Лаврентиј не само што одбил да се одрече од својата вера, туку и го советувал царот да ги отфрли лажните богови. Ова предизвикало сурови мачења. Бил тепан со камења и со „скорпион“ (синџир со остри запци), а неговата истрајност го инспирирала војникот Роман да поверува во Христа, поради што бил веднаш убиен.

На крајот, архиѓаконот Лаврентиј бил ставен на железна леса и печен жив на оган. Дури и во најтешките маки, тој му благодарел на Бога и ја исмевал суровоста и незнабоштвото на царот. По неговата смрт, Иполит тајно го зел неговото тело и чесно го погребал во една пештера.

Свети Лаврентиј, папата Сикст и останатите маченици пострадале во 258 година, оставајќи зад себе вечно сведоштво за непоколебливата вера.