Денеска 27 август 2026 година се празнува Светиот пророк Михеј

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 27 август 2026 година се празнува Светиот пророк Михеј

27 август 2026

• од Темелко Тошев

Според календарот на МПЦ (Јулијанскиот календар), денешниот ден, 27 август (14 август), е посветен на Светиот пророк Михеј. Денеска е и претпразништво на Успението на Пресвета Богородица (Голема Богородица), големиот празник кој православните верници го слават утре.

Свети пророк Михеј (познат како Михеј II, за да се разликува од истоимениот пророк од времето на свети Илија) е еден од дванаесетте таканаречени „мали пророци“. По род бил од Јудиното племе, од селото Моресета (Мориси), поради што бил наречен и Морисиќанин. Бил современик на пророците Исаија, Амос и Осија, и дејствувал за време на јудејските цареви Јоатам, Ахаз и Езекија (во 8 век пред Христа).

Овој свет пророк бил познат по својата бестрашност. Искрено предаден на Бога, тој отворено ги изобличувал пороците на својот народ, ги критикувал идолопоклонството и неправдата, а особено строго ги осудувал лажните пророци, кои „пророкувале за вино и за силовито пиење“.

Михеј ја предвидел пропаста на Самарија, но и на Ерусалим. Тој предупредувал дека „Сион ќе се преора како нива и Ерусалим ќе стане урнатина“ поради водачите кои земале мито, свештениците кои поучувале за пари и пророците кои гатале за лична заработка.

Сепак, од сите негови пророштва, најзначајно и најпознато е она за раѓањето на Спасителот. Тој е пророкот кој прецизно го најави местото на раѓањето на Господ Исус Христос – градот Витлеем. Во Светото Писмо се запишани неговите зборови: „А ти, Витлееме Ефратов, иако си најмал меѓу илјадниците Јудини, од тебе ќе Ми излезе Оној Кој ќе биде Владетел во Израел...“ (Михеј 5:2).

За крајот на неговиот живот има различни преданија. Се верува дека сепак завршил со мирна смрт и бил погребан во своето родно село. Неговите свети мошти биле пронајдени во четвртиот век, за време на владеењето на царот Теодосиј Велики, заедно со моштите на пророкот Авакум, откако Бог му го открил нивното место на епископот Зевзин.

Нека е за многу години денешниот празник!