Од 1.670 до над 2.150 евра за квадрат: Становите во Скопје со вртоглав раст на цените

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Од 1.670 до над 2.150 евра за квадрат: Становите во Скопје со вртоглав раст на цените

31 август 2026

• од Темелко Тошев

Пазарот на недвижности во Европа не запира со растот на цените, а овој тренд силно се одразува и во градовите кои до неодамна важеа за попристапни за купување сопствен дом. Меѓу нив е и македонската метропола Скопје, каде што цените на становите бележат драстичен скок во изминатиот период.

Според најновите анализи на пазарот за првата половина од 2026 година, просечната барана цена за продажба на стан во Скопје достигнала околу 2.156 евра за квадратен метар. Оваа сума, регистрирана според податоците на „ЦенаКвадрат“, значи дека за просечен стан од 60 квадратни метри сега се потребни околу 129.400 евра. Растот е повеќе од очигледен ако се земе предвид дека само минатата година просечната цена во Скопје се движеше околу 1.670 евра за квадрат.

Центар го пробива плафонот – квадрат до 3.000 евра

Највисоки цени, очекувано, се забележуваат во Општина Центар. Таму квадрат во новоградба на атрактивна локација достигнува цена од речиси 3.000 евра.

Порастот на цените во главниот град беше нотиран и од Народната банка, која во последниот квартал од 2025 година регистрираше годишен раст од околу 25 отсто на цените на недвижностите во Скопје.

Како стои Скопје во споредба со регионот?

И покрај овој значителен раст кој претставува сериозен товар за домашниот буџет на македонските граѓани, Скопје сепак останува меѓу поевтините балкански престолнини, иако разликата рапидно се намалува.

Ако се направи споредба, цените во соседството се уште повисоки:

Софија: помеѓу 2.300 и 2.600 евра за квадрат
Букурешт: околу 2.636 евра за квадрат во новоградба
Сараево: околу 2.700 евра за квадрат
Белград: од 3.080 до 3.100 евра за квадрат
Загреб: убедливо најскап со просечни 4.086 евра за станбен квадрат

Европски тренд на поскапо домување

Растот кај нас е само пресликување на пошироката европска слика. Според податоците на Евростат за првиот квартал од 2026 година, цените на станбените објекти во ЕУ пораснале за 5,1 отсто, а кириите за 3 отсто на годишно ниво.

Трошоците за домување земаат сè поголем данок од примањата на граѓаните – во 2025 година просечниот жител на ЕУ издвојувал дури 18,9 отсто од својот расположлив приход за оваа намена, додека во некои земји овој удел надминал и 30 отсто.

Европските метрополи како Париз, Лондон, Цирих и Луксембург и понатаму остануваат недостижни и на врвот на листата на најскапи пазари за недвижности во светот.