Европска комисија: Глорификацијата на ратните злосторници нема место во Европската Унија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Европска комисија: Глорификацијата на ратните злосторници нема место во Европската Унија

30 август 2026

• од Темелко Тошев

Европската комисија (ЕК) постави јасен став дека секое глорифицирање, величење или славење на ратните злосторници е во директен судир со темелните европски вредности и нема апсолутно никакво место во Европската Унија, ниту пак во земјите кои се кандидати за членство.

Оваа порака од Брисел доаѓа во момент кога во регионот продолжува појавата на ревизионизам и негирање на историските факти и судски утврдените одлуки за најтешките злосторства, вклучувајќи ги и тие од времето на распадот на поранешна Југославија.

Од Европската комисија потсетуваат на пресудите од меѓународниот трибунал во Хаг, каде меѓу другото, беа утврдени одговорностите и вината за геноцид (како на пример во Сребреница каде беа убиени околу 8.000 Бошњаци), насилните протерувања на цивилно население, тероризирањето на цивилите за време на опсадата на Сараево, како и другите тешки кршења на меѓународното хуманитарно право.

Брисел уште еднаш подвлече дека помирувањето, почитувањето на судските пресуди и грижата за жртвите се клучни елементи за стабилноста, демократскиот развој и евроинтегративниот процес на земјите од западниот Балкан. Секое негирање на геноцидот и величење на осудените лица за ратни злосторства директно го поткопува соживотот и европската иднина на регионот.