СДСМ: Цените се до плафон – мерки од владата на Мицкоски нема

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Цените се до плафон – мерки од владата на Мицкоски нема

31 август 2026

• од Темелко Тошев

Опозициската СДСМ преку писмено соопштение упати остри критики до Владата предводена од Христијан Мицкоски, обвинувајќи ја за негрижа кон граѓаните во услови на енормен раст на цените и пад на животниот стандард.

Според партијата, цените во Македонија со месеци се „до плафон“ во продавниците, маркетите и на пазарите, додека платите стагнираат. Од СДСМ посочуваат дека синдикалната потрошувачка кошничка, со вклучена кирија, достигнала фрапантни 90.000 денари, додека просечната плата бележи пад од 1.163 денари.

„Ова е последица на погрешните и криминални политики на Владата на Мицкоски која не презеде никакви мерки за заштита на стандардот на граѓаните,“ се наведува во партиското соопштение.

Од СДСМ алармираат и за драстичниот скок на цените на горивата, посочувајќи дека дизелот надминал 100 денари по литар, додека Владата „не мрднала со прст“. Тие критикуваат дека не се намалени акцизите, ниту пак е намалено ДДВ-то од 18% на 5%. Дополнително, партијата обвинува дека актуелната власт не ја покачила минималната плата на 600 евра, ниту пак ги покачила останатите плати и пензиите.

Во пресрет на почетокот на новата учебна година, од СДСМ оценуваат дека најавените мерки за училишен прибор нема да имаат никаков ефект во вакви тешки економски услови.

„На родителите им се потребни поголеми плати, за да можат децата да ги испратат во училиште, да им обезбедат храна, ужинка, облека и да ги покријат сите трошоци врзани со образовниот процес,“ велат од партијата.

На крајот од соопштението се заклучува дека за Владата на Мицкоски граѓаните не се приоритет, туку фокусот е ставен исклучиво на бизнис интересите. „Затоа граѓаните се оставени сами, без пари, со празни паричници и празни фрижидери,“ порачуваат од СДСМ.