СДСМ го повикува Мицкоски: Дали Ратко Младиќ е и негов „генерал“ и зошто го штити Стоилковиќ?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ го повикува Мицкоски: Дали Ратко Младиќ е и негов „генерал“ и зошто го штити Стоилковиќ?

31 август 2026

• од Гоце Кически

Опозициската СДСМ преку писмено соопштение упати остри критики кон премиерот Христијан Мицкоски, обвинувајќи го дека намерно молчи и одбива да побара одговорност од министерот Иван Стоилковиќ, по неговото, како што велат, величење на осудениот воен злосторник Ратко Младиќ.

Од партијата децидно порачуваат дека лица кои релативизираат воени злосторства и величаат осудени злосторници не смеат да извршуваат јавни функции. Дополнително, од СДСМ посочуваат дека во конкретниот случај има елементи и на кривично дело согласно Кривичниот законик, кое се однесува на одобрување или оправдување на геноцид и злосторства против човечноста.

„Мицкоски мора јавно да одговори: Дали се согласува со ставовите на својот министер Иван Стоилковиќ? Дали Ратко Младиќ е и негов „генерал“? Ако не се согласува, тогаш нека ги осуди ваквите ставови и нека ги разреши Стоилковиќ и Китановиќ. Или не смее, бидејќи нема дозвола за Стоилковиќ?“, прашуваат од Бихаќка.

Опозицијата предупредува дека овие провокации не се изолирани инциденти, туку дел од поширока стратегија која ја нарекуваат операција „Талог“. Според СДСМ, целта на оваа операција е создавање тензии, етнички провокации и поделби меѓу граѓаните, а истата, како што тврдат, се спроведува по налог на српскиот претседател Александар Вучиќ.

Како дел од истата матрица, од СДСМ ги посочуваат и јавните кампањи полни со навреди и дехуманизација водени од Драган Павловиќ - Латас, како и сомнителниот влез на, како што ја нарекуваат, „српската медиумска машинерија“ преку медиумите Еуроњуз и Ало.

„Ништо не е случајно. Ова е свесна политика на Мицкоски и неговата група – да ја држат Македонија далеку од ЕУ, во изолација, а поблиску до авторитарни сили и источни влијанија“, заклучуваат од СДСМ.