Пресврт во случајот со мазутот: Повторно се отвора истрагата за набавките во ТЕЦ Неготино

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Пресврт во случајот со мазутот: Повторно се отвора истрагата за набавките во ТЕЦ Неготино

31 август 2026

• од Темелко Тошев

Истрагата за набавките на мазут за ТЕЦ Неготино добива нов тек. Вишото јавно обвинителство Скопје го уважи приговорот на АД ЕСМ, со што повторно се активира предметот против 13 физички и едно правно лице, меѓу кои се споменуваат и Ратко Капушевски и Исмаил Јахоски.

Со најновото решение, Основното јавно обвинителство за гонење организиран криминал и корупција (ОЈО ГОКК) доби задолжение да ја продолжи истрагата за сомнежите поврзани со злоупотреба на постапките за јавни набавки и перење пари.

Слабости во вештачењата како причина за реотворање на случајот

Клучната причина за овој пресврт се констатираните „слабости во вештачењата“. Од Вишото обвинителство информираат дека првостепениот обвинител ја темелел одлуката за запирање на постапката врз основа на недоволно цврсти вештачења.

Сега, од ОЈО ГОКК се бара детално да ги утврди поединечните дејствија на сите осомничени за да се открие дали некој од нив, директно или преку помагање, овозможил огромна имотна корист за еден од осомничените и неговото правно лице.

Под лупа буџетските средства за ЕСМ

Дополнително, истражните органи посебно ќе треба да проверат дали наменските средства што ЕСМ ги доби од државниот буџет биле злоупотребени преку примена на повластената законска основа од член 23 од Законот за јавни набавки. За таа цел, Вишото обвинителство наредило прибирање на нови податоци од повеќе институции и спроведување на нови, попрецизни вештачења за евентуалната кривична одговорност.

Претходно обвинителството не најде криминал

Овој предмет претходно беше затворен откако ОЈО ГОКК, по речиси една година истражување, констатираше дека нема докази за сторено кривично дело. Нивниот тогашен став беше дека спорните набавки на мазут за ТЕЦ Неготино биле спроведени во услови на прогласена енергетска криза и согласно законските исклучоци. Тогаш ОЈО ГОКК тврдеше дека не е утврдена финансиска штета ниту за ЕСМ, ниту за државната каса.

Во истрагата беа опфатени 13 лица, меѓу кои и бизнисменот Ратко Капушевски, сопственик на компанијата „РКМ“.

Сепак, АД ЕСМ во својство на оштетено правно лице поднесе приговор на таквата одлука на ОЈО ГОКК. Со уважувањето на приговорот од страна на Вишото обвинителство, сите претходни заклучоци повторно ќе бидат предмет на детална проверка, а истрагата практично се враќа во активна фаза.