Љупчо Зиков: Идеологијата на Заев беше добра, затоа само тој е во мемоарите на Меркел, а не и Вучиќ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љупчо Зиков: Идеологијата на Заев беше добра, затоа само тој е во мемоарите на Меркел, а не и Вучиќ

03 септември 2026

• од Темелко Тошев

Поранешниот премиер Зоран Заев покажа визија и лидерство за решавање на децениските проблеми кои претходните влади ги игнорираа, смета новинарот и аналитичар Љупчо Зиков. Според него, идеологијата на Заев и неговите реформски политики биле клучни за напредокот, што било јасно препознаено и од поранешната германска канцеларка Ангела Меркел.

Зборувајќи за политичкото наследство на поранешниот лидер на СДСМ, Зиков истакна дека неговите потези му обезбедиле историско место во мемоарите на Меркел, нешто што не им пошло од рака на други долгогодишни балкански лидери.

„Идеологијата на Заев, според мене, беше добра. Тезите беа реформски и гарантираа пат. Тоа е неговата визија и затоа само тој е запишан во мемоарите на Меркел, бидејќи таа увидела што прави тој човек таму на Балканот. Еве, Вучиќ е шеснаесет години на власт, па не е во мемоарите на Меркел ставен, а и тој беше близок со неа“, посочи Зиков во своето излагање.

Тој се осврна и на начинот на кој Заев пристапи кон решавањето на спорот со Грција. Според Зиков, иако процесите и реформите биле непопуларни, Заев покажал исклучителна храброст и политичко лидерство да ги спроведе до крај, за разлика од неговите претходници кои стравувале за својот рејтинг.

„Сите влади претходно го буткаа проблемот со Грција како нужно зло под тепих, водејќи се од мислата 'тоа ќе ми ја скине главата'. Сите влади пред него, и СДСМ-овски и ВМРО-вски. Реформите на Заев беа непопуларни, но тој човек имаше лидерство и ги направи“, додаде Зиков.

Тој заклучи дека независно од тоа како граѓаните го перцепираат неговиот стил на политичко дејствување, неговата улога во поновата македонска историја е неспорна.

„Некои тоа го викаат 'одење со глава низ ѕид', некои викаат 'човек бомба' – експлодира за три-четири години и си замина. Како сакате нека биде, историјата ќе го запише како човек во чие време Македонија решила еден голем проблем“, нагласи Зиков.