Левица до Јаневска: Шестгодишни деца не можат да ја решаваат демографската криза, вината е во иселувањето на младите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица до Јаневска: Шестгодишни деца не можат да ја решаваат демографската криза, вината е во иселувањето на младите

02 септември 2026

• од Темелко Тошев

Политичката партија Левица упати остри критики до министерката за образование Весна Јаневска и премиерот Христијан Мицкоски, обвинувајќи ја власта дека наместо да понуди конкретни мерки за демографскиот пад и масовното иселување, вината ја бара во граѓаните и нивните „вредности“.

Реакцијата на партијата следи по неодамнешната изјава на министерката Јаневска по повод почетокот на новата учебна година, во која таа им порача на првачињата да бараат од своите родители да им родат братче или сестриче. Според Левица, скандалозно е шестгодишни деца да се ставаат во позиција да бидат „одговорни“ за катастрофалната демографска слика во државата.

„Додека клупите остануваат празни затоа што цели семејства ја напуштаат Македонија, министерката задолжена за образованието им држи лекции на шестгодишни деца, кои уште немаат научено да читаат и пишуваат, како тие треба да ја решаваат демографската криза“, се истакнува во соопштението на Левица.

Партијата ги осуди и ставовите на премиерот Христијан Мицкоски, кој намалувањето на наталитетот го поврза со пренесување на „погрешни вредности“ преку образовниот систем. Од Левица потсетуваат и на неговите поранешни идеи за воведување данок за немажени и неженети лица, оценувајќи ги како целосно погрешен и промашен пристап кон демографската политика.

Причините за празните училници и падот на наталитетот, посочуваат од партијата, не лежат во тоа што граѓаните не сакаат деца, туку во егзистенцијалната несигурност.

„Македонија не останува без деца затоа што младите одеднаш престанале да сакаат семејства. Македонија останува без деца затоа што останува без млади луѓе“, децидни се од Левица.

Како клучни фактори за иселувањето тие ги наведуваат лошите услови за живот, неможноста за вработување, тешкотиите при решавање на станбеното прашање, како и разрушениот здравствен и образовен систем, длабоката корупција и партизацијата на државните институции.

Од партијата заклучуваат дека државата мора да престане да го обвинува народот за нискиот наталитет и итно да почне да создава услови младите да останат, да се вработат и да основаат свои семејства во Македонија.