Апасиев со остри критики кон ВМРО-ДПМНЕ: Македонскиот народ исчезна од историската сцена и стана народ на С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Апасиев со остри критики кон ВМРО-ДПМНЕ: Македонскиот народ исчезна од историската сцена и стана народ на С. Македонија

02 септември 2026

• од Темелко Тошев

Лидерот на Левица и пратеник во Собранието, Димитар Апасиев, упати остри критики кон власта, предводена од ВМРО-ДПМНЕ, преку својот профил на Фејсбук. Повод за реакцијата на Апасиев е новиот билатерален договор меѓу Македонија и Соединетите Американски Држави, за кој во Собранието е поднесен Предлог-закон за ратификација.

Апасиев реагираше на формулацијата во текстот на договорот, посочувајќи го начинот на кој е именуван народот, што според него претставува директно продолжение на процесот на „демакедонизација“.

Во својата објава тој истакна: „И така, ќе остане запаметено дека во време на ВМРО – 'македонскиот народ' исчезна од историската сцена и стана 'народ на Северна Македонија'.“

Според лидерот на Левица, ваквите формулации во официјални државни документи и меѓународни договори укажуваат на бришење на македонскиот национален идентитет, процес за кој тој директно ја обвинува актуелната власт на ВМРО-ДПМНЕ, и покрај нивните ветувања за заштита на националните интереси.

„П.С. Ова е новиот билатерален договор помеѓу Македонија и САД кој треба да се ратификува на собраниска седница“, додава Апасиев во објавата, предупредувајќи ги граѓаните и пратениците за содржината на документот кој наскоро ќе се најде пред законодавниот дом.

Оваа изјава доаѓа во период на засилени политички дебати и критики околу националните прашања и меѓународните обврски на државата, при што Левица континуирано се позиционира како остар критичар на политиките кои ги смета за штетни по македонскиот идентитет. Останува да се види каква ќе биде реакцијата на власта и како ќе се одвива дебатата за ратификација на договорот во Собранието.