Денеска 11 септември 2026 година се празнува Отсекувањето на главата на свети Јован Крстител

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 11 септември 2026 година се празнува Отсекувањето на главата на свети Јован Крстител

11 септември 2026

• од Темелко Тошев

Православните верници денеска го одбележуваат еден од најтажните, но и најзначајни празници во христијанскиот календар – Отсекувањето на главата на свети Јован Крстител, познат и како свети Јован Претеча. Овој ден е спомен на маченичката смрт на светителот кој го најави доаѓањето на Исус Христос и кој бестрашно се бореше за вистината и моралот.

Гревот на Ирод и храброста на свети Јован

Според христијанските преданија, во времето на проповедите на свети Јован, со Галилеја владеел Ирод Антипа, син на стариот Ирод кој бил одговорен за убиството на Витлеемските младенци. Ирод Антипа направил голем грев кога ја избркал својата законита сопруга, ќерката на арапскиот кнез Арета, за да живее незаконски со Иродијада, сопругата на неговиот брат Филип, кој сè уште бил жив.

Свети Јован Крстител бескомпромисно застанал против ова беззаконие и јавно го осудувал Ирод, поради што владетелот го затворил.

Крвавиот пир и смртта на светителот

Трагичниот крај на свети Јован се случил за време на еден раскошен пир во домот на Ирод во Севастија Галилејска. Пред гостите танцувала Салома, ќерката на Филип и Иродијада. Пијан и целосно занесен од нејзиниот танц, Ирод ѝ ветил дека ќе ѝ даде сè што ќе посака, макар тоа било и половина од неговото царство.

Наговорена од својата злобна мајка, Салома ја побарала главата на свети Јован Крстител. Ирод веднаш наредил погубување, по што главата на светителот му била донесена на Ирод на чинија. Учениците на Јован ноќе го земале неговото тело и чесно го погребале. Иродијада, во својата немилосрдност, му го избодела јазикот со игла, а главата ја закопала на нечисто место.

Божјата правда ги стасала злосторниците

Казната за ова страшно злодело набрзо ги стигнала сите виновници. Кнезот Арета, со цел да ја одмазди честа на својата ќерка, воено го поразил Ирод до темел. Осуден од кесарот Калигула, Ирод заедно со Иродијада бил прогонет прво во Галија, а потоа во Шпанија. Нивните животи завршиле во тешка беда и понижување, додека преданијата велат дека земјата на крајот се отворила и ги проголтала. Салома, пак, завршила со страшна смрт на реката Сикорис.

Зошто се празнува на овој датум?

Иако погубувањето на свети Јован се случило пред празникот Пасха, одбележувањето е востановено на 11 септември (односно 29 август според јулијанскиот календар). Причината за ова е што токму на овој ден била осветена црквата подигната на неговиот гроб во Севастија, изградена од светиот цар Константин и неговата мајка, светата царица Елена. Во таа црква почиваат и моштите на учениците на Јован, Елисеј и Авдиј.

Овој ден за верниците е ден на строг пост, во знак на почит кон жртвата и големината на свети Јован Крстител.