Гоцевски со тврдење: Борис Трајковски беше жртва на атентат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Гоцевски со тврдење: Борис Трајковски беше жртва на атентат

11 септември 2026

• од Темелко Тошев

Поранешниот функционер Трајан Гоцевски изнесе сериозно тврдење во врска со загинувањето на поранешниот македонски претседател Борис Трајковски во 2004 година. Во интервју за 4ТВ, тој изјави дека авионската несреќа не била несреќен случај, туку дека „на Борис Трајковски му извршија атентат“.

Гоцевски смета дека околностите околу падот на владиниот авион во близина на Мостар треба да се разгледаат повторно, земајќи го предвид поширокиот политички и безбедносен контекст во Македонија за време на кризите во 1999 и 2001 година. Според него, и по повеќе од две децении, остануваат неразјаснети прашања кои бараат дополнително институционално внимание. Тој особено ја нагласи потребата да се разјасни улогата на странските навигатори и офицери поврзани со летот.

„Има многу работи што останаа, и ние како држава не успеавме да се наметнеме да се расчистат. Ова е важно и за нивните семејства, но и за нас како држава“, истакна Гоцевски.

Во истото интервју, тој се осврна и на други случаи на загинати лица и историски настани, вклучувајќи атентати врз македонски дејци меѓу двете светски војни. Гоцевски посочи дека во Бугарија постојат материјали кои треба да бидат дополнително истражени во Македонија.

Тој повика на посериозно институционално истражување, сметајќи дека три и пол децении од независноста се добар период за конечно расчистување на овие настани.

Да потсетиме, претседателот Борис Трајковски загина на 26 февруари 2004 година, кога владиниот авион со кој патуваше се урна во Босна и Херцеговина. Во несреќата трагично ги загубија животите и членовите на неговата делегација и екипажот.