Градежни експерти за пожарот во „Пулс“: Смртоносниот сунѓер не смеел да биде во плафонот, објектот 13 години работел на диво

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Градежни експерти за пожарот во „Пулс“: Смртоносниот сунѓер не смеел да биде во плафонот, објектот 13 години работел на диво

14 септември 2026

• од Темелко Тошев

На денешното рочиште за трагичниот пожар во дискотеката „Пулс“ во Кочани, кое се одржа во судницата во Идризово при Основниот кривичен суд Скопје, сведочеа градежните вештаци од Градежниот факултет при УКИМ. Тие пред судот ги образложија клучните пропусти во градбата, употребените материјали и непочитувањето на безбедносните стандарди.

Полиетиленскиот сунѓер бил кобен Судскиот вештак и професор Горан Марковски истакна дека материјалот вграден во спуштениот плафон на дискотеката воопшто не смеел да биде употребен.

Според правилникот за заштита од пожари, материјалите за спуштени тавани мора да имаат праг на горење од најмалку 30 минути.
Полиетиленскиот сунѓер кој бил вграден во „Пулс“ не го исполнувал овој законски минимум.

Марковски објасни дека инвеститорот е должен да ангажира стручни лица за проектот, кој потоа мора да помине низ законска ревизија и проверка од Дирекцијата за заштита и спасување. Овој систем на контрола требало да гарантира безбедност за посетителите, но во пракса очигледно потфрлил.

Илегална пренамена и реконструкција Вештакот посочи дека објектот претрпел видлива пренамена на која институциите морале да реагираат. Надворешните скали, настрешницата и информативната табла биле јасни индикатори за пренамена, за кои било потребно одобрение од Општината. Поставувањето на внатрешните галерии во 2012 година претставувало класична реконструкција според Законот за градење, процес кој до ден-денес нема правна завршница.

Родителите револтирани: „Нашите деца не се спореден детал“ Адвокатите на одбраната се обидоа да го одложат сослушувањето на вештото лице Викторија Димовска најавувајќи барање за нејзино изземање, што предизвика бурна реакција кај семејствата на жртвите.

Александар Наунов, родител на едно од загинатите деца, изрази револт што одбраната се фокусира на споредни детали, наместо на суштината на трагедијата.

„Како воопшто било дозволено тој објект 13 години да функционира како дискотека во салон за теписи?“ – праша Наунов, барајќи институционална одговорност.
Тој апелираше да не се дозволи споредните работи да ја засенат одговорноста, додавајќи дека децата се причината поради која постои овој судски процес.

И покрај тоа што првообвинетиот Дејан Јованов на 3 октомври треба да излезе од притвор, родителите порачаа дека имаат целосна доверба во Обвинителството и Судот и веруваат дека правдата за Кочани, кое е „завиено во црно“, ќе излезе на виделина.