Марк Руте: Русија станува сè побезразложна, НАТО ќе ја поддржува Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Марк Руте: Русија станува сè побезразложна, НАТО ќе ја поддржува Украина

15 септември 2026

• од Темелко Тошев

Генералниот секретар на НАТО, Марк Руте, во понеделникот изјави дека руските напади со дронови во близина на границата помеѓу Украина и Полска ќе доведат до зголемување на поддршката за Киев и зајакнување на одбраната на 32-члената алијанса на нејзиното источно крило, пренесува Асошиетед прес.

Руте ги опиша нападите како знак за растечкиот „очај“ и „безразложност“ на Москва и како обид за сеење страв. Тој изјави дека рускиот претседател Владимир Путин нема да успее да ја спречи поддршката за Украина или да го разедини НАТО.

За потсетување, во неделата руски дрон погоди воз во близина на украинско-полската граница. Според соопштението од украинските железници, малку порано низ истата станица поминала дипломатска делегација во која биле поранешниот британски премиер Борис Џонсон и поранешниот шведски премиер Карл Билт, при што се смета дека можеби токму тие биле целта на нападот. Друг дрон паднал во близина на одделен граничен премин.

Како реакција, Полска најави засилување на безбедноста долж границата. Премиерот Доналд Туск предупреди дека Русија би можела да ги засили своите дејствија против европските граници и не ја исклучи можноста ескалацијата да ја погоди и Полска. Министерот за одбрана Владислав Косињак-Камиш објави дека армијата пронашла сомнителен руски воен дрон во Балтичкото Море, во близина на местото Јарославјец. Заменикот-министер за одбрана Цезари Томчик ги оцени нападите како сериозна ескалација и предупреди на можни саботажи или хибридна војна без преседан.

Според првиот дипломат на ЕУ, Каја Калас, нападите имале за цел да ги разубедат одделните западни земји да ја поддржуваат Украина. „Мораме да покажеме дека ќе ја поддржуваме Украина и дека не се плашиме“, додаде таа.

Во меѓувреме, Кремљ соопшти дека руските сили ќе продолжат со нападите низ цела Украина. Портпаролот на рускиот претседател, Дмитриј Песков, воедно го поздрави повикот на Доналд Трамп до Киев да ги запре нападите врз руската енергетска инфраструктура, вклучувајќи ги рафинериите и постројките за дизел гориво.