Радев: Осудата за погребот на Младиќ со воени почести е заеднички европски став

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Радев: Осудата за погребот на Младиќ со воени почести е заеднички европски став

11 септември 2026

• од Темелко Тошев

Бугарскиот премиер Румен Радев ја поддржа позицијата на Европската Унија, истакнувајќи дека осудата за погребувањето на поранешниот командант на Војската на Република Српска, Ратко Младиќ, со воени почести претставува единствен и заеднички европски став.

Одговарајќи на новинарско прашање од агенцијата БГНЕС во врска со чинот кој веќе наиде на остри критики од високи европски претставници, вклучувајќи ги Марта Кос, Урсула фон дер Лајен и Антонио Кошта, Радев беше дециден:

„Вие самите одговоривте на прашањето. Тоа е заеднички европски став.“

Контроверзен погреб и покрај меѓународните реакции

Ратко Младиќ почина на 27 август додека ја издржуваше доживотната затворска казна изречена од Хашкиот трибунал. И покрај бројните реакции и отворената осуда од Европската Унија и соседните држави, тој беше погребан на 7 септември во Белград уз највисоки државни, црковни и воени почести.

Потсетување на судските пресуди

Поранешниот воен командант беше правосилно осуден на доживотен затвор за геноцидот во Сребреница, како и за низа други тешки воени злосторства извршени за време на војната во Босна и Херцеговина.

Делата за кои Младиќ беше прогласен за виновен пред меѓународната правда вклучуваат:

Прогон и присилно раселување на Бошњаци и Хрвати;
Континуиран терор врз цивилното население за време на долгогодишната опсада на Сараево;
Земање припадници на мировните сили на Обединетите нации како заложници.

Официјална Софија преку изјавата на Радев јасно стави до знаење дека стои на иста линија со Брисел во однос на неприфатливоста на глорификацијата на осудени воени злосторници.