Курти на годишнината од 11 септември: Секогаш ќе стоиме покрај Америка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Курти на годишнината од 11 септември: Секогаш ќе стоиме покрај Америка

11 септември 2026

• од Темелко Тошев

Вршителката на должноста претседател на Косово, Албулена Хаџиу, заедно со в.д. премиерот Албин Курти, оддадоа почит пред меморијалот „Косово памети“ во Приштина, посветен на жртвите од терористичките напади на 11 септември во САД.

Во своето обраќање пред меморијалот, Курти истакна дека една од неговите највпечатливи посети во САД била онаа од минатата година, кога заедно со својата сопруга Рита го посетиле меморијалот и музејот на 11 септември во Њујорк.

„Од сите патувања што сум ги направил во САД, една од највпечатливите посети беше онаа заедно со мојата сопруга Рита на меморијалот и музејот на 11 септември, на ‘Нултата точка’ (Ground Zero) во Њујорк минатата година. Таму имавме можност да оддадеме почит, да се потсетиме на жртвите и да научиме и рефлектираме за сите аспекти на нападите од тој ден“, рече Курти.

„Денеска сме собрани овде за да ја одбележиме 25-годишнината од тој напад“, изјави Курти, пренесува Klankosova.tv.

Тој нагласи дека овој терористички акт е најсмртоносниот напад што Соединетите Американски Држави некогаш го доживеале.

„Косово стои покрај САД, не само затоа што САД никогаш не го напуштија Косово. Ние стоиме и секогаш ќе стоиме покрај Америка, бидејќи нашата посветеност на слободата и демократијата, како и нашата одлучност да ги заштитиме овие вредности, се непоколебливи“, потенцираше в.д. премиерот.

На крајот, Курти ја откри и пораката што ја оставил за време на неговата минатогодишна посета на музејот во Њујорк.

„На излезот од музејот ‘Ground Zero’, пред една година оставив едноставен запис: ‘Memory lives, freedom wins’, односно ‘Сеќавањето живее, слободата победува’“, заклучи шефот на извршната власт.