Построги правила за бугарски пасош: Задолжителен бугарски јазик и тестови по историја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Построги правила за бугарски пасош: Задолжителен бугарски јазик и тестови по историја

12 септември 2026

• од Темелко Тошев

Предизборните кампањи на кандидатите за претседател и потпретседател во Бугарија ги откриваат плановите за значително заострување на критериумите за стекнување на бугарско државјанство.

Кирил Влчев, кој е кандидат за потпретседател во тандем со кандидатката за претседател Илијана Јотова, во своето вчерашно излагање нагласи дека строго ќе инсистира на воведување нови услови за сите кандидати за бугарски пасош.

Според неговите најави, новите барања ќе опфатат:

Задолжително познавање на бугарскиот јазик
Познавања од историјата и географијата на Бугарија
Познавање на државното уредување на земјата

Дополнително, Влчев истакна дека ја поддржува идејата за воведување на официјална и свечена церемонија при врачувањето на указот за стекнување бугарско државјанство.

Овие предлози не се изненадување. Во бугарската политичка јавност ова се толкува како продолжување на веќе познатите заложби, бидејќи Илијана Јотова со години наназад отворено поддржуваше вакви промени во Законот за бугарско државјанство.

Аналитичарите оценуваат дека сега, кога во бугарскиот парламент постои јасно мнозинство, а токму тандемот Јотова - Влчев се смета за еден од главните фаворити и потенцијални победници во претседателската трка, овие ветувања се многу блиску до реализација. Внесувањето на предлозите за јазичниот услов, тестовите по историја и државно уредување, како и воведувањето на свечената церемонија, имаат реални шанси наскоро да бидат изгласани и усвоени од страна на парламентот.