СДСМ обвинува: „Судството да беше независно, Мицкоски и ВМРО немаше да бидат слободни“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува: „Судството да беше независно, Мицкоски и ВМРО немаше да бидат слободни“

12 септември 2026

• од Темелко Тошев

Во своето најново обраќање, Наташа Поповиќ, член на Извршниот одбор на СДСМ, упати остри критики кон актуелната власт, обвинувајќи ги Христијан Мицкоски и ВМРО-ДПМНЕ за целосна партизација на државните институции и контрола врз правосудниот систем.

Според Поповиќ, во изминатите две и пол години, владејачката партија презела целосна контрола врз полицијата, Агенцијата за национална безбедност (АНБ), обвинителствата и судовите. Таа истакна дека јавниот обвинител е сменет, сопруга на поранешен градоначалник од редовите на ВМРО е избрана во Судскиот совет, а избрана е и обвинителка поврзана со Сашо Мијалков.

„Мицкоски јавно им делеше задачи на обвинители и судии од собраниската говорница, преку телевизија и преку телефон“, нагласи Поповиќ на денешната прес-конференција.

Од СДСМ се повикуваат и на најновиот извештај на Европската комисија, во кој, како што вели Поповиќ, јасно е нотирано мешањето во судството и обвинителството, отсуството на реформи, широката корупција и проблематичните јавни набавки. Таа додаде дека Христијан Мицкоски функционира и како обвинител и како судија и дека за скандалите и тендерите тешки 200 милиони евра откриени од антикорупцискиот тим на СДСМ нема апсолутно никаква одговорност. Дополнително, беше посочено дека Никола Груевски е спасен од одговорност, а криминално стекнатиот имот ѝ е вратен на партијата.

На прес-конференцијата беа наброени низа случаи кои, според СДСМ, докажуваат дека правдата во државата е селективна и не функционира:

Постапката за лице блиско до генералниот секретар на Владата кое било фатено со мито е експресно прекината.
Телохранител на Мицкоски кој нападнал жена е ослободен од системот.
За пет тони дрога кои ја минале границата кон Србија нема ниту политичка, ниту институционална одговорност.
Кривичните пријави против Мицкоски и владините функционери се отфрлаат преку ноќ.
Пријавите за труењето на водата во Гостивар стојат во обвинителството без никаков одговор.
Институциите молчат за владини функционери кои имаат бугарски пасоши и фирми во Бугарија.
Нема реакција ниту кога министри во Владата го величаат осудениот воен злосторник Ратко Младиќ.

„Судството денес е под целосна контрола на власта. Да беше правосудството навистина слободно и независно, Мицкоски и ВМРО-ОКГ немаше да бидат слободни“, заклучи Поповиќ на крајот од своето обраќање.