Левица: Скопјани ќе останат без нови автобуси и во март

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Скопјани ќе останат без нови автобуси и во март

25 јануари 2026

• од Станча Јаќимовски

Од политичката партија Левица реагираат дека јануари е веќе при крај, а Владата сѐ уште нема распишано тендер за набавка на нови автобуси за јавниот превоз во Скопје. Иако повеќе од една година ги најавува и им ги ветува на скопјани, новите автобуси никако да стигнат.

„Граѓаните и понатаму се принудени да се возат во дотраени, загадувачки и нефункционални автобуси, додека власта бесконечно одолговлекува со реализација на сопствените ветувања“, соопштуваат од Левица.

Од партијата потсетуваат дека премиерот Христијан Мицкоски јавно вети дека нови автобуси ќе има уште во октомври минатата година, но тоа ветување не се реализирало бидејќи пропаднал првиот тендер. Оттогаш, како што велат од Левица, нема никаква конкретна активност.

„Сега е сѐ поизвесно дека нови автобуси нема да има ниту во март, бидејќи сѐ уште нема распишано нов тендер. Ова е уште еден доказ за неспособноста и неодговорноста на актуелната власт“, истакнуваат од Левица.

Во реакцијата се наведува и дека во изминативе три години советниците на ДПМНЕ во Советот на Град Скопје ја блокирале набавката на нови еко-автобуси.

„Причината не беше ниту финансиска ниту техничка, туку чист политички инает кон тогашната градоначалничка Данела Арсовска, со која се скараа по една година заедничко раководење со градот. Цената на таа суета ја плаќаат граѓаните на Скопје“, соопштуваат од партијата.

Од Левица додаваат дека, доколку не било политичкото калкулирање и блокадите на советниците и раководството на ДПМНЕ, новите автобуси одамна ќе сообраќале по скопските улици.

„Очигледно е дека на ДПМНЕ не им е грижа за граѓаните, туку исклучиво за партиските интереси. Доколку навистина се грижеа за јавниот интерес, ќе водеа сосема поинаква политика – а не антитендер политика која директно го уназадува Скопје“, порачуваат од Левица.

Јавниот превоз, како што нагласуваат од партијата, не е луксуз, туку основна јавна услуга, а секое ново одолговлекување претставува директен удар врз квалитетот на животот на скопјани.