Мендух Тачи со жестоки обвинувања: Али Ахмети е најневерниот човек што го познавам

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мендух Тачи со жестоки обвинувања: Али Ахмети е најневерниот човек што го познавам

11 август 2026

• од Темелко Тошев

Лидерот на Демократската партија на Албанците (ДПА), Мендух Тачи, упати остри критики кон својот долгогодишен политички ривал и лидер на Демократската унија за интеграција (ДУИ), Али Ахмети, нарекувајќи го политички инструмент и најневерниот човек што некогаш го запознал.

Гостувајќи во емисијата „Pressing One“ на телевизијата Т7, Тачи отворено говореше за нивното децениско ривалство на политичката сцена. Тој нагласи дека, иако неговите оценки можат да се толкуваат како субјективни со оглед на тоа што тој е „дежурниот противник“ на ДУИ, неговиот став се темели на долгогодишно политичко искуство и директно познавање.

„Мислам дека добро го познавам. Моите оценки за него се без сомнеж субјективни. Но, по сите овие години во политиката, според мене, најневерен човек во животот што сум го запознал е тој“, изјави Тачи.

Освен личните квалификации, лидерот на ДПА жестоко ја критикуваше и политичката оставнина на Ахмети. Според Тачи, Албанците во Македонија немаат никаков реален бенефит од долгогодишното владеење на ДУИ, а билансот од нивните политики го оцени како целосно негативен.

„Овие зборови изгледаат тешки, но дојде време да се слушне оваа оценка. Во 2002 или 2003 година ваквите ставови се сметаа за инат. Но, крајниот резултат од политиката на Али Ахмети е со минус. Не дека добивме нешто од тоа“, потенцираше Тачи.

За крај, тој го обвини Ахмети дека во текот на неговата политичка кариера повеќе им служел на туѓи интереси отколку на граѓаните што ги претставува, функционирајќи како „политички инструмент“.

„Мислам дека Али Ахмети уште од тогаш беше инструмент на другите, главно на Словените. Одвреме-навреме во тоа се вклучуваше и меѓународната заедница. Имам искуство дека во одредени моменти интересите на Словените и на Западњаците се преклопуваат за одреден настан. Сметам дека тој беше искористен токму како таков инструмент“, заклучи лидерот на ДПА.