Загадувањето зема замав: Реките Тополка и Бабуна небезбедни за капење, велешани останаа без речни плажи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Загадувањето зема замав: Реките Тополка и Бабуна небезбедни за капење, велешани останаа без речни плажи

10 август 2026

• од Темелко Тошев

Најновите анализи на Центарот за јавно здравје – Велес донесоа лоши вести за граѓаните кои спас од летните горештини бараат во локалните реки. Резултатите покажуваат дека реките Тополка и Бабуна се микробиолошки загадени, поради што строго не се препорачуваат за капење и рекреација.

Ако на ова се додаде фактот дека езерото Младост веќе две години е под забрана за капење, на велешани како единствена безбедна опција им остануваат градскиот базен и приватните хотелски капалишта.

Тополка загадена уште во горниот тек

Испитувањата на реката Тополка покажале влошен квалитет на водата дури и во нејзиниот горен тек. На познатата локација „Чашка-капалиште“, водата е категоризирана во трета класа поради зголемена матност и лоша микробиолошка состојба. Сепак, состојбата е алармантна во долниот тек, пред вливот на Тополка во Вардар. Анализите таму измериле катастрофална петта класа на матност, како и трета класа за бактериска контаминација, сатурација и присуство на амонијак и нитрити, што ја прави оваа локација целосно небезбедна и опасна за луѓето.

Бабуна падна во трета класа

За жал, ништо подобра не е сликата ниту со реката Бабуна. На локацијата „Прва плажа“, која традиционално привлекува голем број капачи во текот на летото, квалитетот на водата паднал во трета класа. Причина за тоа е регистрираната бактериска контаминација, но и присуството на хемиски елементи како амонијак и манган.

Што се однесува до реката Вардар во делот низ Велес (од Башино Село до вливот на Бабуна), надлежните институции веќе со години не го мерат нејзиниот квалитет, бидејќи реката одамна е целосно исфрлена од употреба за капење.

Овие податоци уште еднаш го вклучуваат црвениот аларм за еколошката свест и потребата од итна заштита на водните ресурси во земјава.