Љубчо Георгиевски: Милошевиќ де факто ја сруши Југославија, но македонските југословени тоа сè уште не сакаат да го видат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Милошевиќ де факто ја сруши Југославија, но македонските југословени тоа сè уште не сакаат да го видат

09 август 2026

• од Темелко Тошев

Поранешниот премиер Љубчо Георгиевски во своето најново излагање се осврна на периодот на распадот на поранешна Југославија, посочувајќи го Слободан Милошевиќ како главен виновник за уништувањето на федерацијата. Според него, политиките на тогашното српско раководство биле брутални и директно насочени кон рушење на заедничката држава – факт кој, како што вели, одредени структури во земјава сè уште одбиваат да го прифатат.

„Најбрутален е Милошевиќ. И покрај тоа што до ден-денеска македонските југословени тоа не сакаат да го видат, со донесувањето на Уставот на Србија, кој всушност претставуваше устав за отцепување на Србија од Југославија, со упадите во монетарниот систем, со сите постапки и со укинувањето на покраините, Милошевиќ де факто ја сруши Југославија“, дециден е Георгиевски.

Осврнувајќи се на тогашната политичка клима и наивноста на домашното раководство, тој истакнува дека додека другите републики активно се подготвувале за претстојните турбуленции, нашата држава останала целосно пасивна.

„Сите се подготвуваа. Македонија дремеше“, потенцира тој, додавајќи дека ваквиот развој на настаните кај него лично почнал да создава голем отпор уште во тоа време.

Георгиевски се присети и на своите студентски денови, опишувајќи го влијанието на т.н. „балван-револуции“ и насочените митинзи кои се организирале ширум републиките.

„Во тоа време се појавија тие балван-револуции на Слободан Милошевиќ, кога одеше по сите републики и правеше демонстрации за Косово. Во Словенија не му дозволија, па им воведе политика ‘не купувајте словенечки производи’. Се сеќавам кога дојдоа на Правниот факултет со голем митинг за поддршка на Милошевиќ. Јас тогаш бев втора или трета година студент. Гледам полна сала, почнуваат разни говорници, и си велам – ова ќе биде забавно“, раскажува Георгиевски, илустрирајќи ја атмосферата која владеела во македонскиот главен град во предвечерието на распадот на федерацијата.