„Нема жив да излезеш“: Уште еден пријавен напад врз Македонски Бугарин во Вевчани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Нема жив да излезеш“: Уште еден пријавен напад врз Македонски Бугарин во Вевчани

10 август 2026

• од Темелко Тошев

Според информациите објавени во бугарските медиуми, се случил нов инцидент во Северна Македонија во кој бил нападнат македонски Бугарин. Бекир Кадриески, претседател на бугарското здружение „Шемето“ од Струга и активист со бугарска самосвест, тврди дека бил физички нападнат и навредуван на етничка основа од група мажи во кафеана во Вевчани.

Како што пренесува порталот „Таралеж“, инцидентот се случил кога Кадриески бил во посета на Вевчани заедно со својот син и двегодишниот внук. Додека синот и детето биле на прошетка кај Вевчанските извори, тој седнал во локална кафеана. Според неговите зборови, уште при самото влегување бил пречекан со псовки и навреди поврзани со неговиот бугарски идентитет.

Откако нарачал вода, му биле упатени закани за физичка пресметка. Бидејќи се почувствувал загрозен и забележал дека групата го чека со шишиња в раце, Кадриески повикал полиција. Откако полициските службеници пристигнале и почнале да земаат изјави од присутните, ситуацијата дополнително ескалирала.

„Тројца дојдоа до мојата маса, ме фатија за врат и ми рекоа: ‘Што направи? Нема жив да излезеш од тука’“, изјавил Кадриески за бугарскиот медиум. Тој додал дека бил принуден да се брани од ударите и клоците, при што се здобил со гребнатини и модринки по рацете и нозете, додека, според неговите тврдења, напаѓачите завршиле во болница.

Кадриески посочува дека ова е втор ваков напад врз него, потсетувајќи на инцидентот од јуни 2023 година кога исто така пријави дека бил претепан поради неговата бугарска припадност. Тој предупредува дека ситуацијата со Бугарите во Северна Македонија се влошува бидејќи, според него, тие немаат институционална заштита и апелира за поддршка како од македонските, така и од бугарските власти.

Инцидентот се надоврзува на низата претходни тензии поврзани со бугарската заедница во земјата. Во последните години беа регистрирани повеќе инциденти, меѓу кои и претепувањето на Христијан Пендиков во Охрид во јануари 2023 година, како и нападите врз бугарските културни клубови „Иван Михајлов“ во Битола и „Цар Борис Трети“ во Охрид. Најновиот вандалски чин, потсетува порталот, бил забележан во март 2026 година, кога клубот во Битола бил испишан со графити.

Ваквите случаи континуирано претставуваат извор на политички тензии во односите меѓу Скопје и Софија.