21 април 2026
• од Тодор Вангелов
Конечно е забележан напредок во еден од најмасовните инфраструктурни проекти на територијата на Република Бугарија – модернизацијата на железничката линија Видин – Софија. Овој проект е од стратешко значење за земјата и е дел од приоритетниот сеевропски коридор „Ориент/Источно-Медитерански“.
Параметрите на новата траса ќе овозможат драстично зголемување на брзината на движење низ бугарската територија. Наместо досегашните 70 км/ч, возовите во овој дел од Бугарија ќе сообраќаат со:
Оваа делница е клучната алка што ќе ја поврзува Бугарија со меѓународните транспортни мрежи на Романија и Грција, позиционирајќи ја Софија како главен регионален транспортен јазол.
По одлука на последната седница на Министерскиот совет на Бугарија, државата веќе пристапува кон експропријација на приватни имоти во северозападниот дел на земјата. Фокусот е ставен на изградбата на делницата Видин – Медковци, како и на подигнување на нова железничка станица во селото Водњанци.
Средствата за обесштетување на сопствениците се веќе обезбедени од бугарската Национална компанија „Железничка инфраструктура“ (НКЖИ). Сопствениците на земјиштето имаат законски рок од 14 дена да ја обжалат одлуката пред Врховниот административен суд на Бугарија.
Во последната година, ваквите процедури за одземање на земјоделско земјиште за државни потреби станаа сè почести низ Бугарија. Големите инфраструктурни проекти, како автопатот „Европа“ и брзиот пат Видин – Ботевград, наметнуваат потреба од баланс меѓу технолошкиот развој и заштитата на обработливото земјиште како важен национален ресурс.
За земјоделците во овој дел од државата, каде земјоделието е основен поминък, ова претставува сериозна промена во начинот на користење на земјата, и покрај државните компензации.
Од национален аспект, овој проект е од пресудно значење за економскиот развој на Северозападниот регион на Бугарија. Со неговата реализација, Бугарија не само што ја модернизира својата внатрешна мрежа, туку обезбедува и целосна интеграција во европските железнички системи, гарантирајќи безбедност, брзина и висок комфор за сите меѓународни и домашни патници.
Фон дер Лајен му честиташе на Радев: „Бугарија е горд член на европското семејство“
Ненадминливи Понуди Дневно
4.8 (10276 рецензии)
Заштедете 152.00 ден

