НАТО одобри план за инвестиции од 27 милијарди евра во воена инфраструктура

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

НАТО одобри план за инвестиции од 27 милијарди евра во воена инфраструктура

23 јули 2026

• од Стефан Николов

НАТО усвои нов петгодишен план за заедничко финансирање, со кој значително ќе ги зголеми инвестициите во одбранбените способности и инфраструктурата на Алијансата. Дел од планот е и инвестиција од 27 милијарди евра за модернизација на системите за снабдување со гориво.

Северноатлантскиот совет го одобри Планот за заеднички ресурси за периодот 2027–2031 година, кој ги утврдува приоритетите за финансирање во следните пет години. Целта е заедничките средства да бидат усогласени со зголемените безбедносни предизвици и потребите на Алијансата.

Со одлуката, земјите-членки се согласија во 2027 година заедничкото финансирање преку воениот буџет, цивилниот буџет и Програмата за безбедносни инвестиции да достигне до 6,5 милијарди евра.

Покрај тоа, НАТО го одобри и Планот за развој на капацитетите за снабдување со гориво, вреден 27 милијарди евра. Со него ќе се модернизираат постојните складишта и мрежите за дистрибуција на гориво, а ќе се изградат и нови капацитети, вклучително и цевководи во источниот и југоисточниот дел на Алијансата.

Од НАТО соопштија дека овие инвестиции ќе ја зајакнат подготвеноста на сојузничките сили, ќе ги подобрат способностите за одвраќање и одбрана и ќе обезбедат поддршка за тековните операции. Планот предвидува и средства за продолжување на поддршката за Украина, вклучително и преку програмите на НАТО за безбедносна помош, обука и заедничкиот центар за анализа, обука и едукација со Украина.