Спасовски: Катастрофата во Гостивар е уште една потврда за нефункционалниот систем, власта и институциите молчат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Спасовски: Катастрофата во Гостивар е уште една потврда за нефункционалниот систем, власта и институциите молчат

23 јули 2026

• од Темелко Тошев

Задоцнета реакција, институционален молк и избегнување одговорност се главните карактеристики на справувањето со кризата со загадената вода во Гостивар, смета пратеникот на СДСМ, Оливер Спасовски.

Случајот со загадената вода во Гостивар е уште една потврда дека институциите под оваа власт не функционираат кога им се најпотребни на граѓаните. Ова го истакна пратеникот од редовите на СДСМ, Оливер Спасовски, при неговото гостување во емисијата „Вести плус“ на телевизија Канал 5, нагласувајќи дека по трагедијата во Кочани, системот не претрпел никакви суштински промени.

Како што се наведува во соопштението на СДСМ, Спасовски побара одговорност од сите надлежни институции – почнувајќи од Владата и здравствените власти, па сè до Институтот за јавно здравје.

„За ова што се случува во Гостивар, одговорноста е на сите нивоа – од централно до локално. Досега не слушнав дека некој од министрите чувствува одговорност. Зошто затајувањето на здравствените власти не понуди никаква одговорност? Моментот кога првите 200 граѓани од Гостивар се пријавиле во болница не значел ништо ниту за здравствените власти, ниту за Владата. Првичната реакција следува дури по пет или шест дена“, нагласи Спасовски.

Според него, ваквото институционално постапување е јасен показател за тоа како актуелната власт ја води државата. Тој побара отворено признавање на слабостите на системот.

„Треба да се признае. Да се признае дека ни се случи Кочани и дека нема никаква промена во системот. И дека сега ни се случува ова што се случува во Гостивар, а институциите една недела молчат и ништо не прават во тој момент“, дециден е тој.

Пратеникот посочи дека јавноста сè уште е оставена во мрак и нема одговори на клучните прашања поврзани со кризата – каков точно бил квалитетот на водата, колку испитувања биле спроведени и кои се нивните резултати. Тој го впери прстот кон Институтот за јавно здравје, потсетувајќи на нивната законска обврска континуирано да ја следат исправноста на водата за пиење низ целата држава.

„Ако мострите покажале дека водата била исправна, тогаш треба да се утврди што се случило, како се направени тие испитувања и дали извештаите реално ја отсликувале состојбата. Што правел Институтот за јавно здравје? Тие се обврзани да ја прават контролата на водата, не само во еден град, туку во сите градови“, заклучи Спасовски.