Денеска 13 септември 2026 година се празнува Полагањето на чесниот појас на Пресвета Богородица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 13 септември 2026 година се празнува Полагањето на чесниот појас на Пресвета Богородица

13 септември 2026

• од Темелко Тошев

Православните верници денеска го одбележуваат празникот посветен на една од најголемите христијански светињи – Полагање на чесниот појас на Пресвета Богородица.

Според христијанското предание, по своето успение, Пресвета Богородица му го предала својот појас на светиот апостол Тома. Овој свет предмет подоцна бил пренесен во Цариград, каде што се чувал во строго запечатен ковчег во црквата на Пресвета Богородица во Влахерна, храм кој бил изграден од царицата Пулхерија.

Со векови, ковчегот останал нечепнат и затворен. Неговото прво отворање се случило дури за време на владеењето на царот Лав Мудриот (886–912 година). Причината за тоа била тешката душевна болест на неговата сопруга, царицата Зои. Според преданијата, таа имала таинствено видение во кое ѝ било порачано дека ќе оздрави доколку врз неа биде положен појасот на Божјата Мајка.

Царот веднаш го помолил патријархот да го отворат ковчегот. Откако светиот појас бил изваден и положен врз болната царица, таа веднаш чудесно оздравела. Во чест и спомен на ова големо чудо, црквата го востановила денешниот празник.

Каде се чува појасот денес?

Денес, според црковните податоци, еден дел од овој свет појас се наоѓа во Грузија, поточно во градот Зугдид. Неговото пренесување таму е тесно поврзано со уште едно чудо – ќерката на царот Роман исто така била исцелена со помош на појасот. Кога таа подоцна се омажила за грузискиот цар Абухаз, со себе понела и дел од оваа голема светиња.

Подоцна, по наредба на рускиот цар Александар I, во Мингрелија, во Зугдид, била изградена специјална црква која е наменета исклучиво за чување на овој дел од чудотворната облека на Пресвета Богородица, каде што верниците можат да ѝ оддадат почит.