Денеска 29 април 2026 година се празнуваат Светите маченички Агапија, Хионија и Ирина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 29 април 2026 година се празнуваат Светите маченички Агапија, Хионија и Ирина

29 април 2026

• од Темелко Тошев

Православните верници денеска го чествуваат споменот на Светите маченички Агапија, Хионија и Ирина, трите сестри кои со својот живот и маченичка смрт станаа симбол на непоколеблива вера и заштитнички на духовната чистота.

Нивната приказна е врзана за периодот на суровите прогони на христијаните за време на царот Диоклецијан, околу 304 година.

Пророштвото на Свети Хрисогон

Овие три сестри потекнувале од околината на Аквилеја. По погубувањето на нивниот духовен учител, Свети Хрисогон, неговото тело било тајно чувано од старецот Зоил. Токму Свети Хрисогон во видение му открил на старецот дека трите сестри наскоро ќе го примат маченичкиот венец. Истата вест во видение ја примила и Света Анастасија Узорешителница, која верно ги следела патиштата на својот учител.

Непоколеблив одговор пред царот

Кога биле изведени пред судот на Диоклецијан, сестрите покажале храброст што го вчудовидела владетелот. Наместо да се покорат на наредбата да им се поклонат на идолите, тие ја исповедале својата цврста вера во Христа.

„Глупаво е човек да им се поклонува на предмети изработени од дрво или камен, нарачани за спогодена цена и направени од раце на смртен човек“, му порачала Света Ирина на царот.

Разгневен, Диоклецијан наредил да бидат затворени и подоцна ги префрлил во Македонија, каде му ги предал на војводата Дулкитиј.

Чудото во затворот и срамниот пораз на мачителот

Војводата Дулкитиј, заслепен од мрачни страсти, се обидел да ја оскверни чистотата на девиците. Но, кога се обидел да влезе кај нив додека тие биле на молитва, Божјата сила го поматила неговиот ум. Наместо кај светителките, тој завршил прегрнувајќи и бакнувајќи црни котли и лончиња во темницата. Излегол пред своите војници сиот измачкан и поцрнет, станувајќи предмет на потсмев.

Маченички венец и вечна слава

По овој настан, судењето го презел војводата Сисиниј.

Агапија и Хионија биле осудени на смрт во оган, каде ги предале своите души на Господ.
Света Ирина била дополнително мачена и испратена во блудилиште, но ангели Божји ја заштитиле нејзината чистота и ја извеле на еден рид каде војниците не можеле да ѝ пристапат.

На крајот, маченичката Ирина била усмртена со стрели. Нивните тела чесно ги собрала и погребала Света Анастасија. Нивниот пример до ден-денес сведочи дека вистината и верата се посилни од секој прогон и земна сила.

За многу години празнувањето!