Денеска се празнува Преподобен Симеон Столпник: Првиот христијански подвижник кој својот живот го помина на столб

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Преподобен Симеон Столпник: Првиот христијански подвижник кој својот живот го помина на столб

14 септември 2026

• од Темелко Тошев

Православните верници денеска го одбележуваат споменот на Преподобен Симеон Столпник, еден од најпознатите христијански подвижници и чудотворци. Тој е познат по својот невообичаен и исклучително тежок подвиг – живот поминат на висок столб во непрестајна молитва.

Според житието, Свети Симеон бил по потекло Сириец, роден во селско семејство. Неговиот духовен пат започнал уште на 18-годишна возраст, кога го напуштил својот дом за да се замонаши. Посветувајќи се на најтешки подвизи, тој неретко постел и по четириесет дена, за на крајот да се одлучи за единствен начин на подвижништво – деноноќно стоење на столб.

Неговиот столб првично бил висок шест лакти, но со текот на времето постојано му го надградувале: прво на дванаесет, па на дваесет и два, триесет и шест, достигнувајќи конечна висина од четириесет лакти. Тој бил толку посветен на својот подвиг што ја одбил средбата дури и со својата мајка Марта, порачувајќи ѝ од столбот: „Не ме вознемирувај сега, мајко, ако се удостојам ќе се видиме во оној свет“. Иако трпел безбројни напади од демоните, тој успеал сите да ги победи со својата молитва кон Бога.

Чудотворец и исцелител

Свети Симеон станал познат надалеку, а околу неговиот столб постојано се собирал народ од сите страни – богати и сиромашни, цареви и робови. Тој им помагал на сите, враќајќи им го телесното здравје на многумина преку збор и молитва, давајќи им утеха и поука, а некои разобличувајќи ги заради нивната еретичка вера. Меѓу неговите најголеми дела се вбројува и тоа што ја одвратил царицата Евдокија од Евтихиевата ерес, враќајќи ја кон Православието.

Својот живот го поминал за време на владеењето на царевите Теодосиј Помладиот, Маркијан и Лав Велики. Како прв столпник во историјата на христијанството и голем чудотворец, тој доживеал длабока старост, живеејќи дури 103 години.

Свети Симеон Столпник се упокоил на 14 септември 459 година. Подоцна, неговите мошти биле пренесени во Антиохија, во црквата која била посветена на неговото име.