Банките заработија над 300 милиони евра во 2025 година: Значителен дел од колачот доаѓа од провизиите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Банките заработија над 300 милиони евра во 2025 година: Значителен дел од колачот доаѓа од провизиите

12 јуни 2026

• од Темелко Тошев

Добивките на банкарскиот сектор во земјава продолжуваат да растат, додека значителен дел од приходите и понатаму се слева од надоместоците и провизиите што граѓаните и компаниите ги плаќаат за користење на банкарските услуги.

Според најновите податоци на Народната банка, банките во текот на 2025 година оствариле над 118 милиони евра нето-приходи само од провизии и надоместоци. Во споредба со претходната година, ова претставува зголемување од околу 3 милиони евра или 2,7 отсто.

Истовремено, вкупната добивка на банкарскиот сектор достигнала импресивни 304 милиони евра, што е за околу 21 милион евра повеќе во однос на 2024 година. Бројките јасно покажуваат дека повеќе од една третина од вкупниот профит на банките се должи токму на наплатените провизии.

Во Македонија во моментов работат 12 банки, а дел од нив веќе најавија нови корекции на тарифите и зголемување на надоместоците за одредени услуги. Ваквите потези предизвикаа бура од реакции во јавноста и отворија сериозни прашања за оправданоста на овие трошоци.

Институционална дебата: Има ли простор за регулација?

Гувернерот на Народната банка, Трајко Славески, неодамна оцени дека станува збор за услуги кои секојдневно ги користат граѓаните и бизнис-секторот, поради што прашањето за висината на надоместоците несомнено заслужува поширока јавна дебата.

Тој истакна дека Централната банка во моментов нема законска можност директно да интервенира во утврдувањето на банкарските провизии. Сепак, Славески смета дека треба да се разгледаат можностите за дополнување на законската рамка, следејќи го примерот на некои европски земји каде што веќе постојат механизми за заштита на потрошувачите и обезбедување фер услови за користење на платежните услуги.

На ваквиот став на гувернерот реагираше министерката за финансии, Гордана Димитриеска-Кочоска. Таа децидно изјави дека надоместоците и провизиите што ги наплаќаат деловните банки не се област која во овој момент е законски регулирана.

Дебатата за висината на банкарските провизии доаѓа во специфичен период кога профитите на банките бележат континуиран и стабилен раст, додека граѓаните и компаниите како клиенти сè погласно го изразуваат своето незадоволство поради најавите за натамошно поскапување на овие секојдневни финансиски услуги.