Над 230 лица примале и социјална помош и пензија, штетата на буџетот е 236 илјади евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Над 230 лица примале и социјална помош и пензија, штетата на буџетот е 236 илјади евра

12 јуни 2026

• од Темелко Тошев

Државниот завод за ревизија (ДЗР) утврди бројни пропусти и неправилности во системот за исплата и контрола на социјалната заштита. Ревизијата го опфати периодот од 2022 година до јуни 2025 година, при што е констатирано дека процедурите не се усогласени со законската регулатива и дека постојат сериозни недостатоци во контролите, документацијата и размената на податоци меѓу институциите.

„Поради слабости во системските контроли и во службената размена на податоци за 2024 година, ревизорите утврдија 235 корисници кои истовремено примале и социјална помош и пензија. Со ова, без никаков основ се исплатени 14,5 милиони денари (околу 236 илјади евра)“, се наведува во извештајот на ДЗР.

Неоснованата исплата е распределена на следниот начин:

10,7 милиони денари за 190 корисници по основ на социјална помош;
426 илјади денари по основ на трајна парична помош за 5 корисници;
3,3 милиони денари по основ на правото на социјална сигурност за стари лица (социјална пензија) кај 40 корисници.

Недоволна контрола и неефикасна администрација

Ревизорите ја нагласуваат недоволната контрола од страна на центрите за социјална работа, нецелосната документација, доцнењето во процедурите, како и неефикасното следење на постапките за враќање на неосновано исплатените средства. Од ДЗР предупредуваат дека ваквите состојби претставуваат сериозен ризик од нерационално трошење на јавните средства и ја намалуваат ефикасноста на целиот систем за социјална заштита.

„Ревизорите констатираа дека Меѓуопштинскиот центар за социјална работа и Агенцијата за вработување не ја спроведуваат ефикасно законската обврска за изработка и следење на индивидуални планови за активирање на невработените корисници на социјална помош. Плановите се изработуваат во ограничен обем, најчесто рачно наместо електронски, и тоа без функционална соработка, координатори и редовни средби меѓу институциите“, додаваат од Државниот завод за ревизија.

За надминување на наведените слабости и спречување на понатамошно оштетување на државната каса, ДЗР препорачува итно подобрување на законската рамка, зајакнување на контролните механизми и воспоставување реална координација меѓу надлежните институции.