Жерновски: Пари нема, резултати нема – затоа Мицкоски брза на предвремени избори

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Жерновски: Пари нема, резултати нема – затоа Мицкоски брза на предвремени избори

12 јуни 2026

• од Темелко Тошев

Секретарот за меѓународна соработка на СДСМ, Андреј Жерновски, на денешната прес-конференција остро ја критикуваше власта, обвинувајќи го Христијан Мицкоски дека брза кон предвремени избори за да ги прикрие катастрофалните економски политики, празнувањето на државната каса преку сомнителни тендери и неисполнетите ветувања.

Жерновски истакна дека најавите за „многу скори“ избори се само уште еден доказ за недоследноста на Мицкоски, кој со месеци тврдеше дека предвремено гласање нема да има.

„Христијан Мицкоски повторно сам се демантираше. Ова е уште еден доказ дека неговиот збор не вреди ништо и дека кај него сè е лага. Опозицијата нема да му биде алиби, ниту пак ќе бидеме параван за распишување избори. Тој сака да ги распише изборите предвреме за да ја скрие празната државна каса која ја испразнија со грабеж преку тендери, но и да избега од неисполнетите ветувања, катастрофалната економија и растечката сиромаштија“, порача Жерновски.

Економски колапс и поразителни бројки

Според СДСМ, по две години власт на Мицкоски, Македонија се соочува со сериозни проблеми во секој сектор. Вистината, според Жерновски, е едноставна: пари нема, резултати нема, а граѓаните секојдневно осиромашуваат бидејќи платите не го следат вртоглавиот раст на цените.

На прес-конференцијата беа изнесени загрижувачки статистички податоци за состојбата во државата:

Зголемена сиромаштија за дури 22%.
Драматичен пад на странските инвестиции од над 60%.
Кратење на субвенциите за земјоделците за 40 милиони евра.
Намален откуп на земјоделски производи за 46%.

„Земјоделците се оставени сами, а најважната гранка за производство на храна е во целосен хаос. Во меѓувреме, младите масовно ја напуштаат државата затоа што тука повеќе не гледаат перспектива“, додаде Жерновски.

Домино-ефект: „По Орбан и Вучиќ, на ред е Мицкоски“

Опаѓањето на поддршката кај граѓаните ја прави власта нервозна, сметаат од опозицијата. Жерновски направи паралела помеѓу политичката ситуација во Македонија и онаа во регионот и пошироко, нарекувајќи го сценариото на Мицкоски „копи-пејст“ на случувањата во Унгарија и Србија.

„Падна Орбан, како што предупредувавме. А по Орбан, следува Вучиќ, па Мицкоски. Тоа е редоследот. Криминалната организација паѓа како домино“, истакна тој.

Тој се осврна и на неодамна објавените анкети од страна на владејачката партија, нарекувајќи ги нарачани и лажни.

„Исто како што Орбан објавуваше анкети во Унгарија – а сите знаеме каков беше резултатот на крај. Кога нема резултати, се фалат со лажни бројки. Ист принцип, исто школо“, дециден е Жерновски.

На крајот од своето обраќање, тој заклучи дека избори дефинитивно ќе има затоа што сценариото на власта е веќе подготвено, но порача дека Мицкоски „нема да може да се спаси себеси и својата банда која ја опустоши државата“.