Боби Илиевски: Креваме хистерија за паркирани бугарски коли, а молчиме кога ни велат дека сме Јужна Србија!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Боби Илиевски: Креваме хистерија за паркирани бугарски коли, а молчиме кога ни велат дека сме Јужна Србија!

07 септември 2026

• од Темелко Тошев

Во неодамнешно гостување, Боби Илиевски упати остра критика кон македонската јавност поради, како што вели, очигледните двојни стандарди и селективното реагирање на провокациите кои доаѓаат од соседните држави.

Илиевски се осврна на скандалозната изјава на српски историчар кој ја нарече Македонија „Јужна Србија“, истакнувајќи дека ваквата тешка навреда поминала речиси незабележано и без соодветна осуда во домашниот медиумски простор.

„Тоа е буквално навреда, чиста глупост, но таа изјава не доби многу публицитет,“ посочи Илиевски, прашувајќи се зошто јавноста останала нема на ваквото отворено негирање и присвојување.

За да го илустрира лицемерието во општеството, тој направи паралела со реакциите кон настаните поврзани со Бугарија. Илиевски потсети на неодамнешната „хистерија“ која траеше со денови поради возила на бугарската амбасада.

„Они дигнаа џева за паркирани коли што ги вози бугарската амбасада. Се дигна хистерија два дена зашто биле на тротоар, а всушност тротоарот е паркинг. А за ова кога ќе кажат (дека сме Јужна Србија), молчат,“ рече тој.

Дополнително, Илиевски се осврна и на поставувањето на билбордите за Свети Сава, прашувајќи каква би била реакцијата на јавноста доколку ситуацијата беше обратна. Тој замислува сценарио во кое низ македонските улици би осамнеле билборди посветени на бугарски историски дејци, како на пример отец Пајсиј. Според него, такво нешто би предизвикало невиден револт и лавина реакции, што уште еднаш потврдува дека во државата постои силна селективна чувствителност и двојни аршини кога станува збор за пропагандата од соседите.