Мицотакис со директна порака од Солун: За Северна Македонија нема суштински напредок во преговорите со ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицотакис со директна порака од Солун: За Северна Македонија нема суштински напредок во преговорите со ЕУ

07 септември 2026

• од Темелко Тошев

Грција и понатаму формално ја поддржува европската перспектива на земјите од Западен Балкан, но за Северна Македонија се оценува дека останува во рана фаза и без значително придвижување кон Унијата. Оваа директна порака ја испрати грчкиот премиер Кирјакос Мицотакис за време на прес-конференцијата одржана во рамките на 90-тиот Меѓународен саем во Солун.

„За Северна Македонија нема суштински напредок во европските преговори“, истакна Мицотакис, позиционирајќи ја земјава во групата на кандидати чиј пристапен процес евидентно стагнира.

Споредувајќи го напредокот на земјите од регионот, грчкиот премиер оцени дека Северна Македонија се наоѓа во значително порана фаза во однос на соседна Албанија. Во таа насока, тој го повтори ставот на Европската Унија дека секоја држава-кандидат се оценува строго индивидуално според сопствените заслуги. Мицотакис потенцираше дека отворањето и затворањето на преговарачките поглавја е процес кој зависи исклучиво од процената и консензусот на сите земји-членки на ЕУ.

Зад овие изјави за општа поддршка на проширувањето, грчкиот премиер не понуди никаква нова иницијатива, ниту пак некаква временска рамка за тоа како и кога би се забрзало придвижувањето на Северна Македонија кон европското семејство. Ваквиот став само потврдува дека патот на државата кон полноправно членство во моментов останува блокиран во лавиринтите на европската бирократија и билатералните барања.

Освен за надворешната политика и проширувањето, Мицотакис пред новинарите во Солун се осврна и на внатрешно-политичката ситуација во Грција. Тој категорично ја отфрли можноста за одржување на предвремени парламентарни избори во земјата, најавувајќи дека граѓаните ќе излезат на гласање дури на крајот од редовниот владин мандат, односно во пролетта 2027 година.